Dharamāne katapūjā viya cittappasādavasā mahapphalaṃ bhavatīti vatvā "thūpaṃ karohī"ti
niyojito thūpaṃ kāresi, taṃ pūjetvā tato cuto devamanussesu sakkacakkavatti-
sampattimanubhavitvā imasmiṃ buddhuppāde sāvatthiyaṃ ekasmiṃ kulagehe nibbatto
viññutaṃ patto satthari pasīditvā pabbajito nacirasseva arahā ahosi.
[72] So aparabhāge attano puññakammaṃ saritvā somanassajāto
pubbacaritāpadānaṃ pakāsento atthadassimhi sugatetiādimāha. Taṃ heṭṭhā vuttameva.
Yakkhayoniṃ upapajjinti ettha pana attano sakāsaṃ sampattasampatte khādantā
yanti gacchantīti yakkhā, yakkhānaṃ yoni jātīti yakkhayoni, yakkhayoniyaṃ nibbattoti
attho.
[73] Dulladdhaṃ vata me āsīti me mayā laddhayasaṃ dulladdhaṃ, buddhabhūtassa
satthuno sakkāraṃ akatattā virādhetvā laddhanti attho. Duppabhātanti duṭṭhu pabhātaṃ
rattiyā pabhātakaraṇaṃ, mayhaṃ na suṭṭhuṃ pabhātanti 1- attho duruṭṭhitanti du uṭṭhitaṃ,
sūriyassa uggamanaṃ mayhaṃ duuggamananti attho. Sesaṃ sabbattha uttānamevāti.
Paccupaṭṭhānasaññakattherāpadānavaṇṇanā niṭṭhitā.
-----------------
122. 10. Jātipūjakattherāpadānavaṇṇanā
jāyaṃ tassa vipassissātiādikaṃ āyasmato jātipūjakattherassa apadānaṃ. Ayampi
purimabuddhesu katādhikāro tattha tattha bhave vivaṭṭūpanissayāni puññāni upacinanto
vipassissa bhagavato kāle kulagehe nibbatto viññutaṃ patto nakkhattapāṭhakehi
vipassibodhisattassa vuttalakkhaṇanimittaṃ sutvā "ayaṃ kira kumāro buddho hutvā
sakalalokassa aggo seṭṭho hutvā sabbasatte saṃsārato uddharissatī"ti sutvā
@Footnote: 1 Sī. mayhaṃatiduṭṭhupabhātanti.
The Pali Atthakatha in Roman Character Volume 50 Page 163.
http://84000.org/tipitaka/read/attha_page.php?book=50&page=163&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=50&A=3532&pagebreak=1
http://84000.org/tipitaka/atthapali/rm_line.php?B=50&A=3532&pagebreak=1#p163
