ATTHAKATHA Book 50 : PALI ROMAN
Apa.A.2 (visuddha.2)
Page 244.

                       33. Umāpupphiyavaggavaṇṇanā
      tettiṃsatime vagge paṭhamadutiyatatiyacatutthapañcamachaṭṭhāpadānāni uttānāniyeva.
                 329. 7. Nigguṇḍipupphiyattherāpadānavaṇṇanā
     [55] Sattamāpadāne samayaṃ agamāsahanti samūhaṃ samāgamaṭṭhānaṃ ahaṃ
agamāsinti attho.
     [62] Abbudanirabbudānīti "pakoṭisatasahassānaṃ sataṃ abbudaṃ, abbudasatasahassānaṃ
sataṃ nirabbudan"ti vuttattā āyunā abbudanirabbudāni gatamahāāyuvantā manujādhipā
cakkavattino khattiyā aṭṭha aṭṭha hutvā kappānaṃ pañcavīsasahassamhi āsiṃsu ahesunti
attho.
                  Aṭṭhamanavamadasamāpadānāni pākaṭānevāti.
                     Tettiṃsatimavaggavaṇṇanā niṭṭhitā.
                      34. Gandhodakavaggādivaṇṇanā
     catutiṃsatimavaggapañcatiṃsatimavaggachattiṃsatimavaggasattatiṃsatimavaggaaṭṭhatiṃsatimavaggā
uttānatthāyeva.
                       39. Ambaṭaphalavaggavaṇṇanā
     ekūnacattālīsamavaggepi paṭhamāpadānādīni aṭṭhamāpadānantāni uttānānevāti.
                 391. 9. Soṇakoṭivīsattherāpadānavaṇṇanā
     navamāpadāne pana vipassino pāvacanetiādikaṃ āyasmato soṇassa
koṭivīsattherassa 1- apadānaṃ. Ayampi thero purimabuddhesu katādhikāro tattha tattha
bhave vivaṭṭūpanissayāni puññāni upacinanto vipassissa bhagavato kāle mahāvibhave
@Footnote: 1 vi.mahā. 5/242-44/1-9, aṃ. ekaka. 20/205/24, khu.thera. 26/632-44/360-1.


The Pali Atthakatha in Roman Character Volume 50 Page 244.
http://84000.org/tipitaka/read/attha_page.php?book=50&page=244&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=5210&pagebreak=1
http://84000.org/tipitaka/atthapali/rm_line.php?B=50&A=5210&pagebreak=1#p244