อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๑๔๑.

อนุภวนฺโต อุปฺปนฺนุปฺปนฺนภเว ติกฺขปญฺโญ วชิรญาโณ อโหสิ. โส กเมน
อิมสฺมึ พุทฺธุปฺปาเท นิพฺพตฺโต วุทฺธิปฺปตฺโต มหทฺธโน สทฺธาชาโต ติกฺขปญฺโญ
อโหสิ. โส เอกทิวสํ สตฺถุ ธมฺมเทสนํ สุตฺวา ธมฺมานุสาเรน ญาณํ เปเสตฺวา
นิสินฺนาสเนเยว อรหา อโหสิ.
     [๑๙] โส อรหา สมาโน อตฺตโน ปุพฺพกมฺมํ สริตฺวา โสมนสฺสชาโต
ปุพฺพจริตาปทานํ ปกาเสนฺโต กมฺมาโรหํ ปุเร อาสินฺติอาทิมาห. ตตฺถ กมฺมาโร
อโยกมฺมโลหกมฺมาทินา กมฺเมน ชีวติ รุหติ ๑- วุทฺธึ วิรูฬฺหึ อาปชฺชตีติ
กมฺมาโร, ปุพฺเพ ปุญฺญกรณกาเล กมฺมาโร อาสึ อโหสินฺติ อตฺโถ. เสสํ
สพฺพตฺถ อุตฺตานเมวาติ.
                   สูจิทายกตฺเถราปทานวณฺณนา นิฏฺฐิตา.
                          ------------
                  ๙๗. ๕. คนฺธมาลิยตฺเถราปทานวณฺณนา
     สิทฺธตฺถสฺส ภควโตติอาทิกํ อายสฺมโต คนฺธมาลิยตฺเถรสฺส อปทานํ.
อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ ปุญฺญานิ
อุปจินนฺโต สิทฺธตฺถสฺส ภควโต กาเล กุลเคเห นิพฺพตฺโต มหทฺธโน มหาโภโค
อโหสิ. โส สตฺถริ ปสีทิตฺวา จนฺทนาครุกปฺปูรกสฺสตุราทีนิ อเนกานิ สุคนฺธานิ
วฑฺเฒตฺวา สตฺถุ คนฺธถูปํ กาเรสิ. ตสฺสูปริ สุมนปุปฺเผหิ ฉาเทสิ, พุทฺธญฺจ
อฏฺฐงฺคนมกฺการํ อกาสิ. ๒- โส เตน ปุญฺญกมฺเมน เทวมนุสฺเสสุ สมฺปตฺติโย
อนุภวิตฺวา อิมสฺมึ พุทฺธุปฺปาเท วิภวสมฺปนฺเน เอกสฺมึ กุลเคเห นิพฺพตฺโต
วุทฺธิมนฺวาย สตฺถริ ปสีทิตฺวา ปพฺพชิโต นจิรสฺเสว อรหา อโหสิ.
@เชิงอรรถ: ๑ อรติ (?).              ๒ สี. พุทฺธํ วนฺทิตฺวา ปตฺถนญฺจากาสิ.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๑๔๑.
http://84000.org/tipitaka/read/attha_page.php?book=50&page=141&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=3048&modeTY=2&pagebreak=1
http://84000.org/tipitaka/atthapali/th_line.php?B=50&A=3048&modeTY=2&pagebreak=1#p141