อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๒๓๐.

                        ๒๕. ตุวรทายิวคฺค ๑-
               ๒๔๓. ๑. ตุวรฏฺฐิทายกตฺเถราปทานวณฺณนา ๒-
     [๑] ปญฺจวีสติเม วคฺเค ปฐมาปทาเน ภริตฺวา ตุวรมาทายาติ ๓- ตุวรอฏฺฐึ
มุคฺคกลยสทิสํ ตุวรฏฺฐึ ภชฺชิตฺวา ปุปฺเผตฺวา ภาชเนน อาทาย สํฆสฺส วน-
มชฺโฌคาหกสฺส อททึ อทาสินฺติ อตฺโถ.
                 ๒๔๔. ๒. นาคเกสริยตฺเถราปทานวณฺณนา
     [๔-๕] ทุติยาปทาเน ธนุํ อเทฺวชฺฌํ ๔- กตฺวานาติ มิคาทีนํ มารณตฺถาย
ธนุํ สนฺนยฺหิตฺวา จรมาโน เกสรํ โอคตํ ๕- ทิสฺวาติ สุปุปฺผิตํ ขุทฺทกสรํ ทิสฺวา
พุทฺธสฺส อภิโรเปสินฺติ อหํ จิตฺตํ ปสาเทตฺวา วนํ สมฺปตฺตสฺส ติสฺสสฺส ภควโต
อภิโรปยึ ปูเชสินฺติ อตฺโถ.
                 ๒๔๕. ๓. นฬินเกสริยตฺเถราปทานวณฺณนา
     [๙-๑๐] ตติยาปทาเน ชลกุกฺกุโฏติ ชาตสฺสเร จรมานกุกฺกุโฏ. ตุณฺเฑน
เกสรึ ๖- คยฺหาติ ปทุมปุปฺผํ มุขตุณฺเฑน ฑํสิตฺวา อากาเสน คจฺฉนฺตสฺส ติสฺสสฺส
ภควโต อภิโรเปสึ ปูเชสินฺติ อตฺโถ.
                ๒๔๖. ๔. วิรวปุปฺผิยตฺเถราปทานวณฺณนา ๗-
     [๑๔] จตุตฺถาปทาเน วิรวปุปฺผมาทายาติ วิวิธํ รวติ สทฺทํ กโรตีติ
วิรวํ, สทฺทกรณเวลายํ วิกสนโต "วิรวนฺ"ติ ลทฺธนามํ ปุปฺผสมูหํ อาทาย
คเหตฺวา สิทฺธตฺถสฺส พุทฺธสฺส อภิโรปยึ ปูเชสินฺติ อตฺโถ.
@เชิงอรรถ: ๑ ฉ.ม. ตุวรทายกวคฺควณฺณนา.               ๒ ฉ.ม. ตุวรทายก....
@๓ ปาฬิ. ตํ ทิสฺวา รุธิรมาทาย.               ๔ ปาฬิ. อเวชฺฌํ.
@๕ ปาฬิ. โอสรํ.               ๖ ปาฬิ. เกสรํ.        ๗ ปาฬิ. วิรวิปุปฺผย...


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๓๐.
http://84000.org/tipitaka/read/attha_page.php?book=50&page=230&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=4919&modeTY=2&pagebreak=1
http://84000.org/tipitaka/atthapali/th_line.php?B=50&A=4919&modeTY=2&pagebreak=1#p230