อรรถกถาเล่มที่ ๕๐ หน้าที่ ๒๓๑.

๒๔๗. ๕. กุฏิธูปกตฺเถราปทานวณฺณนา [๑๗] ปญฺจมาปทาเน กุฏิโคปโกติ เสนาสนปาลโก. กาเลน กาลํ ธูเปสินฺติ สมฺปตฺตสมฺปตฺตกาลานุกาเล ธูเปสึ, ธูเปน สุคนฺธํ อกาสินฺติ อตฺโถ. สิทฺธตฺถสฺส ภควโต คนฺธกุฏิกาลานุสาลิธูเปน ธูเปสึ วาเสสินฺติ อตฺโถ. ฉฏฺฐสตฺตมาปทานานิ อุตฺตานตฺถาเนว. ๒๕๐. ๘. สตฺตสตฺตลิปุปฺผปูชกตฺเถราปทานวณฺณนา [๒๗] อฏฺฐมาปทาเน สตฺต สตฺตลิปุปฺผานีติ ^๑- สตฺตลิสงฺขาตานิ, ^๒- สตฺตปุปฺผานิ สีเสนาทาย เวสฺสภุสฺส ภควโต อภิโรเปสึ ปูเชสินฺติ. อตฺโถ. ๒๕๑. ๙. พิมฺพิชาลปุปฺผิยตฺเถราปทานวณฺณนา [๓๑] นวมาปทาเน พิมฺพิชาลกปุปฺผานีติ รตฺตงฺกุรวกปุปฺผานิ สิทฺธตฺถสฺส ภควโต ปูเชสินฺติ อตฺโถ. [๓๕] ทสมาปทาเน อุทฺทาลกํ คเหตฺวานาติ ชาตสฺสเร วิหงฺคโสพฺเภ ชาตํ อุทฺทาลกปุปฺผํ โอจินิตฺวา กกุสนฺธสฺส ภควโต ^๓- ปูเชสินฺติ อตฺโถ. เสสํ สุวิญฺเญยฺยเมวาติ. ปญฺจวีสติมวคฺควณฺณนา นิฏฺฐิตา. ---------- @เชิงอรรถ: ^๑ ม.,อิ. สตฺตปตฺตลิปุปฺผานีติ. @^๒ ม.,อิ. ปตฺตลิสงฺขาตานิ. ^๓ กกุธสฺส ภควโต (?).

เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๓๑. http://84000.org/tipitaka/read/attha_page.php?book=50&page=231&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=50&A=4940&modeTY=2&pagebreak=1 http://84000.org/tipitaka/atthapali/th_line.php?B=50&A=4940&modeTY=2&pagebreak=1#p231