อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๒๕๘.

                        ๔๕. วิภีฏกวคฺควณฺณนา
              ๔๔๓/๓๑. ๑. วิภีฏกมิญฺชิยตฺเถราปทานวณฺณนา ๑-
     [๑] ปญฺจจตฺตาลีสเม วคฺเค ปฐมาปทาเน กกุสนฺโธ มหาวีโรติอาทิกํ
อายสฺมโต วิภีฏกมิญฺชิยตฺเถรสฺส อปทานํ.
     [๒] ตตฺถ พีชมิญฺชมทาสหนฺติ วิภีฏกผลานิ ผาเลตฺวา พีชานิ มิญฺชานิ
คเหตฺวา มธุสกฺกราหิ โยเชตฺวา กกุสนฺธสฺส ภควโต อทาสินฺติ อตฺโถ.
ทุติยาปทานาทีนิ สพฺพานิ สุวิญฺเญยฺยาเนว, เถรานํ นามนานตฺตาทีนิปิ
ปาฐานุสาเรน เวทิตพฺพานิ.
                         ๔๖. ชคติวคฺควณฺณนา
                ๔๕๓/๔๑. ๑. ชคติทายกตฺเถราปทานวณฺณนา
     [๑] ฉจตฺตาลีสเม วคฺเค ปฐมาปทาเน ชคตึ การยึ อหนฺติ อุตฺตม-
โพธิรุกฺขสฺส สมนฺตโต อาฬินฺทํ อหํ การยินฺติ อตฺโถ. เสสานิ ทุติยาปทานาทีนิ
สพฺพานิปิ อุตฺตานาเนว.
                      ๔๗. สาลปุปฺผิวคฺควณฺณนา ๒-
     สตฺตจตฺตาลีสเม วคฺเค ปฐมาปทานาทีนิ ปาฬิอนุสาเรน สุวิญฺเญยฺยาเนว.
                        ๔๘. นฬมาลิวคฺควณฺณนา
     อฏฺฐจตฺตาลีสเม วคฺเค ปฐมทุติยาปทานานิ อุตฺตานาเนว.
                ๔๗๕/๖๓. ๓. อุกฺกาสติกตฺเถราปทานวณฺณนา
     [๓๐] ตติยาปทาเน โกสิโย นาม ภควาติ โกสิยโคตฺเต ชาตตฺตา
โกสิโย นาม ปจฺเจกพุทฺโธติ อตฺโถ. จิตฺตกูเฏติ จิตฺตกูฏเกลาสกูฏสานุกูฏาทีสุ
อโนตตฺตทหํ ปฏิจฺฉาเทตฺวา ฐิตปพฺพตกูเฏสุ นานารตนโอสธาทีหิ วิจิตฺเต
จิตฺตกูฏปพฺพเต โส ปจฺเจกพุทฺโธ วสีติ อตฺโถ.
     จตุตฺถปญฺจมาปทานานิ อุตฺตานาเนว.
@เชิงอรรถ: ๑ ปาฬิ. วิเภทิก...  ๒ ปาฬิ. สาลกุสุมิยวคฺค....


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๕๘.
http://84000.org/tipitaka/read/attha_page.php?book=50&page=258&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=5500&modeTY=2&pagebreak=1
http://84000.org/tipitaka/atthapali/th_line.php?B=50&A=5500&modeTY=2&pagebreak=1#p258