อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๒๕๙.

                ๔๗๘/๖๖. ๖. กุสฏฺฐกทายตฺเถราปทานวณฺณนา
     [๕๖] ฉฏฺฐาปทาเน กุสฏฺฐกมทาสหนฺติ ปกฺขิกภตฺตอุโปสถิกภตฺตธุรภตฺต-
สลากภตฺตาทีสุ กุสปณฺณวเสน ทาตพฺพํ อฏฺฐิสลากภตฺตํ อหํ อทาสินฺติ อตฺโถ.
                ๔๗๙/๖๗. ๗. คิริปุนฺนาคิยตฺเถราปทานวณฺณนา
     [๖๑] สตฺตมาปทาเน โสภิโต นาม สมฺพุทฺโธติ อาโรหปริณาห-
ทฺวตฺตึสมหาปุริสลกฺขณพฺยามปฺปภาทีหิ โสภมานสรีรตฺตา โสภิโต นาม
สมฺมาสมฺพุทฺโธติ อตฺโถ.
              ๔๘๐/๖๘. ๘. วลฺลิการผลทายกตฺเถราปทานวณฺณนา
     [๖๖] อฏฺฐมาปทาเน ตกฺกรายํ วสี ตทาติ ตํ ทสปุญฺญกิริยวตฺถุํ
กโรนฺตา ชนา ปฏิวสนฺติ เอตฺถาติ ตกฺกรา, ราชธานี. ติสฺสํ ตกฺกรายํ, ตทา
วสีติ อตฺโถ.
                ๔๘๑/๖๙. ๙. ปานธิทายกตฺเถราปทานวณฺณนา
     [๗๒] นวมาปทาเน ปานธึ สุกตํ คยฺหาติ อุปาหนยุคํ สุนฺทรากาเรน
นิปฺผาทิตํ คเหตฺวาติ อตฺโถ. ทสมาปทานํ สุวิญฺเญยฺยเมวาติ.
                    อฏฺฐจตฺตาลีสมวคฺควณฺณนา นิฏฺฐิตา.
                           ----------
                        ๔๙. ปํสุกูลวคฺควณฺณนา
     เอกูนปญฺญาสมวคฺเค ปฐมาปทานํ สุวิญฺเญยฺยเมว.
                ๔๘๔/๗๒. ๒. พุทฺธสญฺญกตฺเถราปทานวณฺณนา
     [๑๔] ทุติยาปทาเน อธิจฺจุปฺปตฺติกา พุทฺธาติ อธิจฺเจน อการเณน
อุปฺปตฺติกา สยมฺภูตา, อญฺเญหิ เทวพฺรหฺมมาราทีหิ อุปเทสทายเกหิ รหิตา
สยมฺภุญาเณน อุปฺปนฺนา ชาตา ปาตุภูตาติ อตฺโถ.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๕๙.
http://84000.org/tipitaka/read/attha_page.php?book=50&page=259&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=5524&modeTY=2&pagebreak=1
http://84000.org/tipitaka/atthapali/th_line.php?B=50&A=5524&modeTY=2&pagebreak=1#p259