ATTHAKATHA Book 50 : PALI ROMAN
Apa.A.2 (visuddha.2)
Page 119.

                   74. 2. Padasannakattherapadanavannana
     akkantanca padam disvatiadikam ayasmato padasannakattherassa apadanam.
Ayampi purimabuddhesu katadhikaro tattha tattha bhave 1- vivattupanissayani punnani
upacinanto tissassa bhagavato kale ekasmim saddhasampanne upasakagehe
nibbatto vinnutam patto ratanattaye pasanno bhagavata tassa anukampaya
dassitam padacetiyam disva pasanno lomahatthajato vandanapujanadibahumanamakasi.
So teneva sukhette sukatena punnena tato cuto sagge nibbatto tattha
dibbasukhamanubhavitva aparabhage dibbasukhamanubhavitva aparabhage manussesu jato
manussasampattim sabbamanubhavitva imasmim buddhuppade vibhavasampannakule nibbatto
vuddhimanvaya saddhajato pabbajitva nacirasseva araha ahosi, purakatapunnanamena
padasannakattheroti pakato.
     [5] So ekadivasam attano pubbakammam saritva pubbacaritapadanam
pakasento akkantanca padam disvatiadimaha. Tattha akkantanti akkamitam
dassitam. Sabbabuddhanam sabbada caturangulopariyeva gamanam, ayam pana tassa
saddhasampannatam natva "eso imam passatu"ti padacetiyam dassesi. Tasma so
tasmim pasiditva vandanapujanadisakkaramakasiti attho. Sesam sabbattha
uttanatthamevati.
                   Padasannakattherapadanavannana nitthita.
                         --------------
                  75. 3. Buddhasannakattherapadanavannana
     dumagge pamsukulikantiadikam ayasmato buddhasannakattherassa apadanam.
Ayampi purimabuddhesu katadhikaro tattha tattha bhave vivattupanissayani punnani
@Footnote: 1 cha.Ma. uppannuppannabhave.


The Pali Atthakatha in Roman Character Volume 50 Page 119.
http://84000.org/tipitaka/read/attha_page.php?book=50&page=119&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=2584&modeTY=2&pagebreak=1
http://84000.org/tipitaka/atthapali/rm_line.php?B=50&A=2584&modeTY=2&pagebreak=1#p119