บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 155.
12. Mahaparivaravagga 113. 1. Mahaparivarakattherapadanavannana vipassi nama bhagavatiadikam ayasmato mahaparivarakattherassa apadanam. Ayampi purimajinavaresu katadhikaro tattha tattha bhave vivattupanissayani upacinanto vipassissa bhagavato uppannasamaye yakkhayoniyam nibbatto anekayakkhasatasahassaparivaro ekasmim khuddakadipe dibbasukham anubhavanto viharati. Tasminca dipe cetiyabhisobhito viharo atathi, tattha bhagava agamasi. Atha kho 1- yakkhasenadhipati tattha katabhavam disva dibbavatthani gahetva gantva bhagavantam vanditva dibbavatthehi pujesi, saparivaro saranam agamasi. So tena punnakammena tato cuto devaloke nibbattitva tattha chakamavacarasukham anubhavitva tato cuto manussesu aggacakkavattiadisukhamanubhavitva aparabhage imasmim buddhuppade kulagehe nibbatto vinnutam patto satthari pasiditva pabbajitva 2- nacirasseva araha ahosi. [1-2] So aparabhage attano pubbakammam saritva somanassajato pubbacaritapadanam pakasento vipassi nama bhagavatiadimaha. Tattha visesam paramattham nibbanam passatiti vipassi, vividhe satipatthanadayo sattatimsabodhipakkhiyadhamme passatiti va vipassi, vividhe anekappakare bodhaneyyasatte visum visum passatiti va vipassi, so vipassi bhagava dipacetiyam dipe pujaniyatthanam viharamagamasiti attho. Sesam sabbattha uttanamevati. Mahaparivarakattherapadanavannana nitthita. ------------ @Footnote: 1 cha.Ma. so. 2 cha.Ma. pabbajito.The Pali Atthakatha in Roman Character Volume 50 Page 155. http://84000.org/tipitaka/read/attha_page.php?book=50&page=155&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=3349&modeTY=2&pagebreak=1 http://84000.org/tipitaka/atthapali/rm_line.php?B=50&A=3349&modeTY=2&pagebreak=1#p155
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]