บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 189.
147. 5. Umapupphiyattherapadanavannana 1- nibbute lokamahitetiadikam ayasmato umapupphiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto siddhatthassa bhagavato kale kulagehe nibbatto vuddhippatto gharavasam santhapetva vasanto nibbutassa bhagavato cetiyamahe vattamane indanilamanivannam umapuppham gahetva pujesi. So tena punnena sugatisuyeva samsaranto dibbamanusasampattiyo anubhavitva uppannuppannabhave bahulam nilavanno jatisampanno vibhavasampanno ahosi. So imasmim buddhuppade vibhavasampanne ekasmim kulagehe nibbatto vinnutam patva saddhajato pabbajitva nacirasseva arahattam papuni. [21] So pubbakammam saritva somanassajato pubbacaritapadanam pakasento nibbute lokamahitetiadi vuttam. Tattha lokamahiteti lokehi mahito pujitoti lokamahito, tasmim lokamahite siddhatthamhi bhagavati parinibbuteti sambandho. Ahutinampatiggaheti ahutino vuccanti pujasakkara, tesam ahutinam patiggahetum arahatiti ahutinampatiggaho, aluttakitantasamaso, tasmim ahutinampatiggahe bhagavati parinibbuteti attho. [22] Umapupphanti uddhamuddham nilapabham muncamanam pupphati vikasatiti umapuppham, tam umapuppham gahetva cetiye pujam akasinti attho. Sesam uttanatthamevati. Umapupphiyattherapadanavannana nitthita. --------------- @Footnote: 1 pali. ummapupphiYu....The Pali Atthakatha in Roman Character Volume 50 Page 189. http://84000.org/tipitaka/read/attha_page.php?book=50&page=189&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=4092&modeTY=2&pagebreak=1 http://84000.org/tipitaka/atthapali/rm_line.php?B=50&A=4092&modeTY=2&pagebreak=1#p189
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]