romanATTHA book 50 Page 223.

[39] So imasmiṃ buddhuppāde sāvatthiyaṃ gahapatikule nibbatto vuddhimanvāya sabbasippesu nipphattiṃ patto arogo sukhito vibhavasampanno ratanattaye pasanno satthu dhammadesanaṃ sutvā paṭiladdhasaddho gharāvāsaṃ pahāya pabbajitvā nacirasseva arahā hutvā pubbakammaṃ saritvā somanassajāto pubbacaritāpadānaṃ pakāsento nagare bandhumatiyātiādimāha. Taṃ sabbaṃ heṭṭhā vuttanayattā uttānatthamevāti. Tikicchakattherāpadānavaṇṇanā niṭṭhitā. ------------- 182. 10. Saṃghupaṭṭhākattherāpadānavaṇṇanā vessabhumhi bhagavatītiādikaṃ āyasmato saṃghupaṭṭhākattherassa apadānaṃ. Ayampi thero purimabuddhesu katakusalasambhāro anekesu bhavesu vivaṭṭūpanissayāni puññāni upacinanto vessabhussa bhagavato kāle tassārāmikassa putto hutvā nibbatto viññutaṃ patvā saddho pasanno vihāresu ārāmikakammaṃ karonto sakkaccaṃ saṃghaṃ upaṭṭhāsi. So teneva kusalakammena devamanussesu saṃsaranto ubhayasampattiyo anubhavitvā imasmiṃ buddhuppāde sāvatthiyaṃ gahapatikule nibbatto vuddhippatto vibhavasampanno sukhasampanno pākaṭo satthu dhammadesanaṃ sutvā sāsane pasanno pabbajitvā vattasampanno sāsanaṃ sobhayamāno vipassanaṃ vaḍḍhetvā ^1- nacirasseva saha paṭisambhidāhi arahattaṃ patto chaḷabhiñño pubbe katakusalakammavasena saṃghupaṭṭhākattheroti pākaṭo ahosi. [45] So ekadivasaṃ "pubbe mayā kiṃ nāma kammaṃ katvā ayaṃ lokuttara- sampatti laddhā"ti attano pubbakammaṃ saritvā paccakkhato jānitvā somanassajāto @Footnote: ¹ cha.Ma. vaḍḍhento.

The Pali Atthakatha in Roman Character Volume 50 Page 223. http://84000.org/tipitaka/read/attha_page.php?book=50&page=223&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=4800&pagebreak=1 http://84000.org/tipitaka/atthapali/rm_line.php?B=50&A=4800&pagebreak=1#p223