บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 225.
19. Kuṭajapupphiyavaggavaṇṇanā 183. 1. Kuṭajapupphiyattherāpadānavaṇṇanā ito parampi ekūnavīsatimavagge āgatānaṃ imesaṃ kuṭajapupphiyattherādīnaṃ dasannaṃ therānaṃ apubbaṃ natthi. Tesaṃ hi therānaṃ purimabuddhānaṃ santike katapuñña- sambhārānaṃ vasena pākaṭanāmāni ceva nivāsanagarādīni ca heṭṭhā vuttanayeneva veditabbānīti taṃ sabbaṃ apadānaṃ suviññeyyamevāti. Ekūnavīsatimavaggavaṇṇanā niṭṭhitā. -------------- 20. Tamālapupphiyavaggavaṇṇanā 193. 1. Tamālapupphiyattherāpadānavaṇṇanā vīsatime vagge paṭhamattherāpadānaṃ uttānameva. 194. 2. Tiṇasanthāradāyakattherāpadānavaṇṇanā [6] Dutiyattherāpadāne yaṃ dāyavāsiko 1- isīti isipabbajjaṃ pabbajitvā vane vasanabhāvena dāyavāsiko isīti saṅkhaṃ gato, attano anukampāya taṃ vanaṃ upagatassa siddhatthassa satthuno vasanamaṇḍapacchādanatthāya yaṃ tiṇaṃ, taṃ lāyati chindatīti attho. Dabbachadanaṃ katvā anekehi khuddakadaṇḍakehi maṇḍapaṃ katvā taṃ tiṇena chādetvā siddhatthassa bhagavato ahaṃ adāsiṃ pūjesinti attho. [8] Sattāhaṃ dhārayuṃ tatthāti taṃ maṇḍapaṃ tattha ṭhitā devamanussā sattāhaṃ nirodhasamāpattiṃ samāpajjitvā nisinnassa satthuno dhārayuṃ dhāresunti attho. Sesaṃ uttānatthamevāti. Tiṇasanthāradāyakattherāpadānavaṇṇanā niṭṭhitā. @Footnote: 1 pāḷi. yadā vanavāsiko.The Pali Atthakatha in Roman Character Volume 50 Page 225. http://84000.org/tipitaka/read/attha_page.php?book=50&page=225&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=4829&pagebreak=1 http://84000.org/tipitaka/atthapali/rm_line.php?B=50&A=4829&pagebreak=1#p225
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]