262. 10. Aggapupphiyattherapadanavannana
[37-38] Dasamapadane sikhinam sikhinam yathati sarirato nikkhantachabbannaramsihi
obhasayantam jalantam sikhinam sikhibhagavantam sikhinam yatha jalamanaaggikkhandham viya.
Aggajam pupphamadayati aggajanamakam puppham gahetva buddhassa sikhissa bhagavato
abhiropayim pujesinti attho.
Chabbisatimavaggavannana nitthita.
-----------
27. Padumukkhepavaggavannana
263. 1. Akasukkhipiyattherapadanavannana
[1-2] Sattavisatime vagge pathamapadane jalajagge duve gayhati
jale udake jate agge uppaladayo dve pupphe gahetva buddhassa samipam
gantva ekam puppham padesu nikkhipim pujesim, ekam puppham akase khipinti attho.
Dutiyapadanam pakatameva.
265. 3. Addhacandiyattherapadanavannana
[10] Tatiyapadane bodhiya padaputtameti uttame bodhipadape.
Addhacandam maya dinnanti tasmim bodhimule addhacandakarena maya anekapupphani
pujitaniti attho. Dharaniruhapadapeti rukkhapabbataratanadayo dharetiti dharani,
pathavi, dharaniya ruhati patitthahatiti dharaniruho, padasankhatena mulena udakam pivati
khandhavitapadisu patthariyatiti padapo, dharaniruho ca so padapo ceti
dharaniruhapadapo, tasmim dharaniruhapadape puppham maya pujitanti attho.
Catutthapadanam uttanatthameva.
@Footnote: 1 cha.Ma. padumukkhipavaggavannana.
The Pali Atthakatha in Roman Character Volume 50 Page 234.
http://84000.org/tipitaka/read/attha_page.php?book=50&page=234&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=50&A=4996&modeTY=2&pagebreak=1
http://84000.org/tipitaka/atthapali/rm_line.php?B=50&A=4996&modeTY=2&pagebreak=1#p234
