อรรถกถาเล่มที่ ๕๐ หน้าที่ ๒๓๘.

กิญฺจิ ทานํ ททาติ, ตสฺส มหปฺผลนฺ"ติ จินฺเตตฺวา นิสินฺนสฺส มม สนฺติกํ สมีปํ อุปฏฺิโต สมีปมาคโตติ อตฺโถ. หรีตกํ ฯเปฯ ผารุสกผลานิ จาติ เอวํ สพฺพํ ตํ ผลํ สพฺพโลกานุกมฺปิโน ตสฺส สิทฺธตฺถสฺส มเหสิสฺส มยา วิปฺปสนฺเนน เจตสา ทินฺนนฺติ อตฺโถ. ๒๘๕. ๓. ปจฺจุคฺคมนิยตฺเถราปทานวณฺณนา [๑๑-๑๒] ตติยาปทาเน สีหํ ยถา วนจรนฺติ วเน จรมานํ สีหราชํ อิว จรมานํ สิทฺธตฺถํ ภควนฺตนฺติ สมฺพนฺโธ. นิสภาชานิยํ ยถาติ วสโภ, นิสโภ, วิสโภ, อาสโภติ จตฺตาโร ควเชฏฺกา. เตสุ ควสตสฺส เชฏฺโก วสโภ, ควสหสฺสสฺส เชฏฺโก นิสโภ, ควสตสหสฺสสฺส เชฏฺโก วิสโภ, ควโกฏิสตสหสฺสสฺส เชฏฺโก อาสโภ. อิธ ปน อาสโภ "นิสโภ"ติ วุตฺโต, อาชานียํ อภีตํ นิจฺจลํ อุสภราชํ อิวาติ อตฺโถ. กกุธํ วิลสนฺตํ วาติ ปุปฺผปลฺลเวหิ โสภมานํ กกุธรุกฺขํ อิว นราสภํ นรานํ อาสภํ อุตฺตมํ อาคจฺฉนฺตํ สิทฺธตฺถํ ภควนฺตํ ทิสฺวา สทฺธาย สมฺปยุตฺตตฺตา วิปฺปสนฺเนน เจตสา ปจฺจุคฺคมนํ อกาสินฺติ อตฺโถ. จตุตฺถาปทานาทีนิ ทสมาวสานานิ สุวิญฺเยฺยาเนวาติ. เอกูนตึสติมวคฺควณฺณนา นิฏฺิตา. ------------ ๓๐. จิตกปูชกวคฺควณฺณนา ๒๙๓. ๑. จิตกปูชกตฺเถราปทานวณฺณนา [๑-๒] ตึสติเม วคฺเค ปมาปทาเน อาหุตึ ยิฏฺุกาโมหนฺติ ปูชาสกฺการํ กาเรตุกาโม อหํ. นานาปุปฺผํ สมานยินฺติ นานา อเนกวิธํ จมฺปกสลลาทิปุปฺผํ สํ สุฏฺุ อานยึ, ราสึ อกาสินฺติ อตฺโถ. สิขิโน โลกพนฺธุโนติ สกลโลกตฺตยพนฺธุสฺส

เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๒๓๘. http://84000.org/tipitaka/read/attha_page.php?book=50&page=238&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=50&A=5082&pagebreak=1 http://84000.org/tipitaka/atthapali/th_line.php?B=50&A=5082&pagebreak=1#p238