บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 50 : PALI ROMAN Apa.A.2 (visuddha.2) Page 242.
306. 4. Dhammasannakattherapadanavannana [13-16] Catutthapadane mahabodhimaho ahuti vipassissa bhagavato catu- maggananadharabhavato "bodhi"ti laddhanamassa rukkhassa puja ahositi attho. Rukkhatthasseva sambuddhoti assa bodhipujasamaye sannipatitassa mahajanassa sambuddho lokajettho narasabho rukkhattho iva rukkhe thito viya pannayatiti attho. Bhagava tamhi samayeti tasmim bodhipujakaranakale bhagava bhikkhusamghapurakkhato bhikkhusamghena parivuto. Vacasabhimudirayanti mudusilitthamadhurauttamaghosam udirayam kathayanto niccharento catusaccam pakasesi, desesiti attho. Sankhittena ca desentoti veneyyapuggalajjhasayanurupena desento sankhittena ca vittharena ca desayiti attho. Vivattacchadoti rago chadanam, doso chadanam, moho chadanam, sabbakilesa chadanati evam vutta chadana vivata ugghatita viddhamsita anenati vivattacchado, sambuddho. Tam mahajanam desanavasena nibbapesi parilaham vupasamesiti attho. Tassaham dhammam sutvanati tassa bhagavato desentassa dhammam sutva. [20] Pancamapadane phalahattho apekkhavati vipassim bhagavantam disva madhurani phalani gahetva apekkhava aturito sanikam assamam ganchinti attho. Chatthasattamapadanani uttananeva. [40] Atthamapadane nitthite navakamme cati simaya navakamme nittham gate sati. Anulepamadasahanti anupaccha sudhalepam adasim, sudhaya lepapesinti attho. Navamadasamapadanani uttananiyevati. Ekatimsamavaggavannana nitthita. -----------The Pali Atthakatha in Roman Character Volume 50 Page 242. http://84000.org/tipitaka/read/attha_page.php?book=50&page=242&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=50&A=5165&modeTY=2&pagebreak=1 http://84000.org/tipitaka/atthapali/rm_line.php?B=50&A=5165&modeTY=2&pagebreak=1#p242
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]