ATTHAKATHA Book 50 : PALI ROMAN
Apa.A.2 (visuddha.2)
Page 257.

                        42. Bhaddālivaggavaṇṇanā
     dvācattālīsamavagge 1- paṭhamāpadānañca dutiyāpadānañca tatiyāpadānañca
nayānusārena suviññeyyameva.
                416/4. 4. Madhumaṃsadāyakattherāpadānavaṇṇanā
     [106] Catutthāpadāne nagare bandhumatiyātiādikaṃ āyasmato madhumaṃsa-
dāyakattherassa apadānaṃ. Tattha sūkarikoti sūkaramaṃsaṃ vikkiṇitvā jīvikaṃ kappento.
Ukkoṭakaṃ randhayitvāti pihakapapphāsamaṃsaṃ pacitvā madhumaṃsamhi okiriṃ pakkhipiṃ.
Tena maṃsena pattaṃ pūretvā bhikkhusaṃghassa datvā tena puññakammena imasmiṃ
buddhuppāde pabbajitvā arahattaṃ pāpuṇinti attho.
     Nāgapallavattherassa pañcamāpadānampi ekadīpiyattherassa chaṭṭhāpadānampi
ucchaṅgapupphiyattherassa sattamāpadānampi yāgudāyakattherassa aṭṭhamāpadānampi
patthodanadāyakattherassa navamāpadānampi mañcadāyakattherassa dasamāpadānampi
sabbaṃ suviññeyyamevāti.
                    Dvācattālīsamavaggavaṇṇanā niṭṭhitā.
                          -------------
                     43. Sakiṃsammajjakavaggādivaṇṇanā
     tecattālīsamavagge sabbatherāpadānāni uttānāneva. Kevalaṃ therānaṃ
nāmanānattaṃ puññanānattañca viseso.
                      44. Ekavihārivaggādivaṇṇanā
     catucattālīsame vaggepi sabbāni apadānāni pākaṭāneva. Kevalaṃ
puñañanānattaṃ phalanānattañca viseso.
@Footnote: 1 cha.Ma. bācattālīsa...


The Pali Atthakatha in Roman Character Volume 50 Page 257.
http://84000.org/tipitaka/read/attha_page.php?book=50&page=257&pages=1&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=50&A=5478&pagebreak=1
http://84000.org/tipitaka/atthapali/rm_line.php?B=50&A=5478&pagebreak=1#p257