อรรถกถาเล่มที่ ๕๐ ภาษาบาลี อักษรไทย
อป.อ.๒ (วิสุทฺธ.๒)
หน้าที่ ๓๑๒.

วชิรํ อินฺทนีลมณิเวฬุริยมณิผลิกมสารคลฺลาทีนิ รตนานิ วิชฺชติ ฉิทฺทาวฉิทฺทํ
กโรติ, เอวเมว ปทุมุตฺตรสฺส ภควโต โลกุตฺตรมคฺคสมาธิ ปฏิปกฺขปจฺจนีกธมฺเม
วิชฺฌติ ภินฺทติ สมุจฺฉินฺทตีติ อตฺโถ. อสงฺเขฺยยฺยํ าณวรํ ตสฺส พุทฺธสฺส
จตฺตาริ สจฺจานิ สตฺตตึสโพธิปกฺขิยธมฺเม สงฺขตาสงฺขตธมฺเม จ  ชานิตุํ
ปฏิวิชฺฌิตุํ สมตฺถํ สยมฺภุาณสพฺพญฺุตญฺาณาทิาณสมูหํ อสงฺเขฺยยฺยํ,
อตีตานาคตปจฺจุปฺปนฺนาทิเภเทน สงฺขาวิรหิตนฺติ อตฺโถ. วิมุตฺติ จ อโนปมาติ
สงฺกิเลเสหิ วิมุตฺตตฺตา โสตาปตฺติผลาทิกา จตสฺโส วิมุตฺติโย อนุปมา อุปมารหิตา
"อิมา วิย ภูตา"ติ อุปเมตุํ น สกฺกาติ อตฺโถ. เสสํ อุตฺตานตฺถเมวาติ.
                    สีวลิตฺเถราปทานวณฺณนา นิฏฺิตา.
                          -------------
                 ๕๔๖/๑๓๔. ๔. วงฺคีสตฺเถราปทานวณฺณนา
     จตุตฺถาปทาเน ปทุมุตฺตโร นาม ชิโนติอาทิกํ อายสฺมโต วงฺคีสตฺเถรสฺส
อปทานํ. อยมฺปิ ปุริมพุทฺเธสุ กตาธิกาโร ตตฺถ ตตฺถ ภเว วิวฏฺฏูปนิสฺสยานิ
ปุญฺานิ อุปจินนฺโต ปทุมุตฺตรสฺส ภควโต กาเล หํสวตีนคเร มหาโภคกุเล
นิพฺพตฺโต วุทฺธิปฺปตฺโต ธมฺมํ โสตุํ คจฺฉนฺเตหิ นครวาสีหิ สทฺธึ วิหารํ
คนฺตฺวา ธมฺมํ สุณนฺโต สตฺถารํ เอกภิกฺขุํ ปฏิภานวนฺตานํ อคฺคฏฺาเน เปนฺตํ
ทิสฺวา สตฺถุ อธิการกมฺมํ กตฺวา "อหมฺปิ อนาคเต ปฏิภานวนฺตานํ อคฺโค
ภเวยฺยนฺ"ติ ปตฺถนํ กตฺวา สตฺถารา พฺยากโต ยาวชีวํ กุสลํ กตฺวา เทวมนุสฺเสสุ
อุภยสมฺปตฺติโย อนุภวิตฺวา อิมสฺมึ พุทฺธุปฺปาเท สาวตฺถิยํ พฺราหฺมณกุเล
นิพฺพตฺติตฺวา มาตุปริพฺพาชิกาภาเวน อปรภาเค ปริพฺพาชโกติ ปากโฏ วงฺคีโสติ
จ ลทฺธนาโม ตโย เวเท อุคฺคณฺหิตฺวา ตโต อาจริยํ อาราเธตฺวา
ฉวสีสชานนมนฺตํ นาม สิกฺขิตฺวา ฉวสีสํ นเขน อาโกเฏตฺวา "อยํ สตฺโต
อสุกโยนิยํ นิพฺพตฺโต"ติ ชานาติ.


เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๓๑๒.
http://84000.org/tipitaka/read/attha_page.php?book=50&page=312&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=50&A=6693&pagebreak=1
http://84000.org/tipitaka/atthapali/th_line.php?B=50&A=6693&pagebreak=1#p312