ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๕๑ ภาษาบาลี อักษรไทย พุทฺธ.อ. (มธุรตฺถ.)

หน้าที่ ๑๗๔.

     ราหุมุตฺโตติ ราหุนา โสพฺภานุนา มุตฺโต. ตาเปนาติ ปตาเปน, อาโลเกน.
โลกา มุจฺจิตฺวาติ โลกธมฺเมหิ อลิตฺโต หุตฺวาติ อตฺโถ. วิโรจาติ วิราช.
สิริยาติ พุทฺธสิริยา. โอสรนฺตีติ มหาสมุทฺทํ ปวิสนฺติ. โอสรนฺตูติ อุปคจฺฉนฺตุ.
ตวนฺติเกติ ตว สนฺติกํ. เตหีติ เทเวหิ. ถุตปฺปสตฺโถติ ถุโต เจว ปสตฺโถ จ,
ถุเตหิ วา ทีปงฺกราทีหิ ปสตฺโถติ ถุตปฺปสตฺโถ. ทส ธมฺเมติ ทส ปารมิธมฺเม.
ปวนนฺติ มหาวนํ, ธมฺมิกปพฺพเต มหาวนํ ปาวิสีติ อตฺโถ. เสสคาถา สุอุตฺตานา
เอวาติ.
                   อิติ มธุรตฺถวิลาสินิยา พุทฺธวํสฏฺกถาย
                    สุเมธปตฺถนากถาวณฺณนา นิฏฺิตา.
                          -------------
                       ๓. ทีปงฺกรพุทฺธวํสวณฺณนา
     รมฺมนครวาสิโนปิ เต อุปาสกา พุทฺธปฺปมุขสฺส ภิกฺขุสํฆสฺส มหาทานํ
ทตฺวา ปุน ภควนฺตํ ภุตฺตาวึ โอนีตปตฺตปาณึ มาลาคนฺธาทีหิ ปูเชตฺวา
วนฺทิตฺวา ทานานุโมทนํ โสตุกามา อุปนิสีทึสุ. อถ สตฺถา เตสํ ปรมมธุรํ
หทยงฺคมํ ทานานุโมทนมกาสิ:-
              "ทานํ นาม สุขาทีนํ       นิทานํ ปรมํ มตํ
               นิพฺพานํ ปน โสปานํ      ปติฏฺาติ ปวุจฺจติ.
               ทานํ ตาณํ มนุสฺสานํ      ทานํ พนฺธุ ปรายนํ
               ทานํ ทุกฺขาธิปนฺนานํ      สตฺตานํ ปรมา คติ.
               ทุกฺขนิตฺถรณฏฺเน        ทานํ นาวาติ ทีปิตํ
               ภยรกฺขณโต ทานํ        นครนฺติ จ วณฺณิตํ.



เนื้อความอรรถกถาฉบับภาษาบาลี อักษรไทย เล่มที่ ๕๑ หน้าที่ ๑๗๔. http://84000.org/tipitaka/read/attha_page.php?book=51&page=174&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=51&A=3883&pagebreak=1 http://84000.org/tipitaka/atthapali/th_line.php?B=51&A=3883&pagebreak=1#p174


จบการแสดงผล หน้าที่ ๑๗๔.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]