บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๕๑ ภาษาบาลี อักษรไทย พุทฺธ.อ. (มธุรตฺถ.) หน้าที่ ๒๔๓.
[๒๒] ภทฺทา เจว สุภทฺทา จ อเหสุํ อคฺคสาวิกา โสปิ พุทฺโธ อสมสโม นาคมูเล อพุชฺฌถ. [๒๓] ๑- ปทุโม กุญฺชโร เจว อเหสุํ อคฺคุปฏฺกา สิริมา เจว ยสวตี อเหสุํ อคฺคุปฏฺิกา. ๑- [๒๔] อุจฺจตฺตเนน โส พุทฺโธ อสีติหตฺถมุคฺคโต โอภาเสติ ทิสา สพฺพา อินฺทเกตุว อุคฺคโต. [๒๕] ตสฺส สรีเร นิพฺพตฺตา ปภามาลา อนุตฺตรา ทิวา วา ยทิ วา รตฺตึ สมนฺตา ผรติ โยชนํ. [๒๖] สฏฺิวสฺสสหสฺสานิ อายุ วิชฺชติ ตาวเท ตาวตา ติฏฺมาโน โส ตาเรสิ ชนตํ พหุํ. [๒๗] ทสฺสยิตฺวา พุทฺธพลํ อมตํ โลเก ปกาสยํ นิพฺพายิ อนุปาทาโน ยถคฺคุปาทานสงฺขยา. [๒๘] โส จ กาโย รตนนิโภ โส จ ธมฺโม อสาทิโส สพฺพํ ตมนฺตรหิตํ นนุ ริตฺตา สพฺพสงฺขารา"ติ. ตตฺถ โอภาเสตีติ ปกาสยติ. อุคฺคโตติ อุสฺสิโต. ปภามาลาติ ปภาเวลา. ยถคฺคีติ อคฺคิ วิย. อุปาทานสงฺขยาติ อินฺธนกฺขยา. โส จ กาโย รตนนิโภติ โส จ ตสฺส ภควโต กาโย สุวณฺณวณฺโณ. "ตญฺจ กายํ รตนนิภนฺ"ติปิ ปาโ, ลิงฺควิปลฺลาเสน วุตฺตํ. โสเยว ปนสฺสตฺโถ. เสสคาถาสุ สพฺพตฺถ อุตฺตานเมวาติ. เรวตพุทฺธวํสวณฺณา นิฏฺิตา. นิฏฺิโต ปญฺจโม พุทฺธวํโส. -------------- @เชิงอรรถ: ๑-๑ สี.,อิ.,ม. อิเม ปาา น ทิสฺสนฺติเนื้อความอรรถกถาฉบับภาษาบาลี อักษรไทย เล่มที่ ๕๑ หน้าที่ ๒๔๓. http://84000.org/tipitaka/read/attha_page.php?book=51&page=243&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=51&A=5411&pagebreak=1 http://84000.org/tipitaka/atthapali/th_line.php?B=51&A=5411&pagebreak=1#p243
จบการแสดงผล หน้าที่ ๒๔๓.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]