อรรถกถาเล่มที่ ๕๒ หน้าที่ ๓๔.

มหาวาตสมุทฺธต- ^๑- วีจิมาโล มโหทธิ อปิ ลงฺเฆยฺย เวลนฺตํ โพธิสตฺตา น ธมฺมตํ. โลเก สญฺชาตวทฺธาปิ น เต ภาวิตภาวิโน ^๒- ลิมฺปนฺติ โลกธมฺเมหิ โตเยน ปทุมํ ยถา. เยสํ เว อตฺตนิ เสฺนโห นิหียติ ยถา ยถา สตฺเตสุ กรุณาเสฺนโห วฑฺฒเตว ตถา ตถา. ยถา จิตฺตํ วเส โหติ น จ จิตฺตวสานุคา ตถา กมฺมํ วเส โหติ น จ กมฺมวสานุคา. โทเสหิ นาภิภูยนฺติ สมุคฺฆาเตนฺติ วา น เต จรนฺตา โพธิปริเยฏฺฐึ ปุริสา ชานิยา พุธา. เตสุ จิตฺตปฺปสาโทปิ ทุกฺขโต ปริโมจเย ปเควานุกิริยา เตสํ ธมฺมสฺส อนุธมฺมโต"ติ. ปรมตฺถทีปนิยา จริยาปิฏกสํวณฺณนาย อกิตฺติจริยาวณฺณนา นิฏฺฐิตา. --------- ๒. สงฺขพฺราหฺมณจริยาวณฺณนา [๑๑] ปุนาปรํ ยทา โหมิ พฺราหฺมโณ สงฺขสวฺหโย มหาสมุทฺทํ ตริตุกาโม อุปคจฺฉามิ ปฏฺฏนํ. @เชิงอรรถ: ^๑ สี....สมุฏฺฐาต- ^๒ ม.ภาวิตภาวนา

เนื้อความอรรถกถาฉบับภาษาบาลี อักษรไทย เล่มที่ ๕๒ หน้าที่ ๓๔. http://84000.org/tipitaka/read/attha_page.php?book=52&page=34&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=52&A=714&modeTY=2&pagebreak=1 http://84000.org/tipitaka/atthapali/th_line.php?B=52&A=714&modeTY=2&pagebreak=1#p34