อรรถกถาเล่มที่ ๕๒ หน้าที่ ๔๙.

สุภิกฺขํ อโหสิ. โพธิสตฺโต ยาวชีวํ ทานาทีนิ ปุญฺญานิ กตฺวา สปริโส สคฺคปุรํ ปูเรสิ. ตทา คณิกาทโย อุปฺปลวณฺณาทโย อเหสุํ. วุตฺตเญฺหตํ:- "คณิกา อุปฺปลวณฺณา ปุณฺโณ โทวาริโก ตทา รชฺชุคฺคาโห จ กจฺจาโน โทณมาปโก จ โกลิโต. สาริปุตฺโต ตทา เสฏฺฐี อนุรุทฺโธ จ สารถิ พฺราหฺมโณ กสฺสโป เถโร อุปราชานนฺทปณฺฑิโต. มเหสี ราหุลมาตา มายาเทวี ชเนตฺติกา กุรุราชา โพธิสตฺโต เอวํ ธาเรถ ชาตกนฺ"ติ. ^๑- อิธาปิ เนกฺขมฺมปารมิอาทโย เสสธมฺมา จ วุตฺตนเยเนว นิทฺธาเรตพฺพาติ. ^๒- กุรุราชจริยาวณฺณนา นิฏฺฐิตา. ------------- ๔. มหาสุทสฺสนจริยาวณฺณนา [๒๘] "กุสาวติมฺหิ นคเร ยทา อาสึ มหีปติ มหาสุทสฺสโน นาม จกฺกวตฺตี มหพฺพโล. [๒๙] ตตฺถาหํ ทิวเส ติกฺขตฺตุํ โฆสาเปมิ ตหึ ตหึ โก กึ อิจฺฉติ ปตฺเถติ กสฺส กึ ทิยฺยตุ ธนํ. [๓๐] โก ฉาตโก ตสิโต โก มาลํ โก วิเลปนํ นานารตฺตานิ วตฺถานิ โก นคฺโค ปริทหิสฺสติ. @เชิงอรรถ: ^๑ ธมฺมปท. อ. ๘/๕๔ (สฺยา) ^๒ ม. เวทิตพฺพาติ

เนื้อความอรรถกถาฉบับภาษาบาลี อักษรไทย เล่มที่ ๕๒ หน้าที่ ๔๙. http://84000.org/tipitaka/read/attha_page.php?book=52&page=49&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=52&A=1037&modeTY=2&pagebreak=1 http://84000.org/tipitaka/atthapali/th_line.php?B=52&A=1037&modeTY=2&pagebreak=1#p49