บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 53 : PALI ROMAN Sangani.A. (atthasalini) Page 351.
Akusalavipakakatha [556] Ito parani akusalavipakani panca cakkhusotaghanajivhakayavinnanani, eka manodhatu, eka manovinnanadhatuti imani satta cittani palito ca atthato ca hettha vuttehi tadiseheva kusalavipakacittehi sadisani. Kevalam hi tani kusalakammapaccayani, imani akusalakammapaccayani. Tani ca itthaitthamajjhattesu arammanesu vattanti, imani anitthaanitthamajjhattesu. Tattha ca sukhasahagatam kayavinnanam, idha dukkhasahagatam. Tattha ca upekkhasahagata manovinnanadhatu manussesu jaccandhadinam patisandhim adim katva pancasu thanesu vipaccati, idha pana ekadasavidhenapi akusalacittena kamme ayuhite kammakammanimittagatinimittesu annataram arammanam katva catusu apayesu patisandhi hutva vipaccati. Dutiyavarato patthaya yavatayukam bhavangam hutva, anitthanitthamajjhattarammanaya pancavinnanavithiya santiranam hutva, balavarammane chasu dvaresu tadarammanam hutva, maranakale cuti hutvati evam pancasueva thanesu vipaccatiti. Akusalavipakakatha nitthita. ------------ Kiriyabyakatavannana manodhatucittavannana [566] Idani kiriyabyakatam bhajetva dassetum puna "katame dhamma abyakata"tiadi araddham. Tattha kiriyati karanamattam. Sabbesuyeva hi kiriyacittesu yam javanabhavam appattam, tam vatapuppham viya, yam javanabhavappattam, tam chinnamulakarukkhapuppham viya aphalam hoti, tamtamkiccasadhanavasena pavattatta pana karanamattameva hoti. Tasma "kiriya"ti vuttam. Neva kusala nakusalatiadisu kusalamulasankhatassa kusalahetuno abhava neva kusala, akusalamulasankhatassa akusalahetuno abhava neva akusala, yonisomanasikaraayonisomanasikarasankhatanampiThe Pali Atthakatha in Roman Character Volume 53 Page 351. http://84000.org/tipitaka/read/attha_page.php?book=53&page=351&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=53&A=8747&modeTY=2&pagebreak=1 http://84000.org/tipitaka/atthapali/rm_line.php?B=53&A=8747&modeTY=2&pagebreak=1#p351
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]