ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๕๔ ภาษาบาลี อักษรไทย วิภงฺค.อ. (สมฺโมห.)

หน้าที่ ๓๒๓.

      อถ มคฺคกฺขเณ กถํ อนุปฺปนฺนานํ อุปฺปาทาย ภาวนา โหติ, กถํ วา
อุปฺปนฺนานํ ิติยาติ. มคฺคปฺปวตฺติยาเอว. มคฺโค หิ ปวตฺตมาโน  ปุพฺเพ
อนุปฺปนฺนปุพฺพตฺตา อนุปฺปนฺโน นาม วุจฺจติ. อนาคตปุพฺพญฺหิ านํ คนฺตฺวา
อนนุภูตปุพฺพํ วา อารมฺมณํ อนุภวิตฺวา วตฺตาโร ภวนฺติ "อนาคตฏฺานํ
อาคตมฺห, อนนุภูตํ อารมฺมณํ อนุภวามา"ติ. ยา จสฺส ปวตฺติ, อยเมว ิติ
นามาติ ิติยา ภาเวตีติ วตฺตุํ วฏฺฏติ. เอวเมตสฺส ภิกฺขุโน อิทํ
โลกุตฺตรมคฺคกฺขเณ วิริยํ "อนุปฺปนฺนานํ ปาปกานํ อกุสลานํ ธมฺมานํ
อนุปฺปาทายา"ติอาทีนิ จตฺตาริ นามานิ ลภติ. อยํ โลกุตฺตรมคฺคกฺขเณ สมฺมปฺปธานกถา.
เอวเมตฺถ โลกิยโลกุตฺตรมิสฺสกา สมฺมปฺปธานา นิทฺทิฏฺาติ.
                     สุตฺตนฺตภาชนียวณฺณนา นิฏฺิตา.
                         --------------
                       ๒. อภิธมฺมภาชนียวณฺณนา
     [๔๐๘] อภิธมฺมภาชนีเย สพฺพานิปิ สมฺมปฺปธานานิ ธมฺมสงฺคณิยํ ๑-
วิภตฺตสฺส เทสนานยสฺส มุขมตฺตเมว ทสฺเสนฺเตน นิทฺทิฏฺานิ. ตตฺถ นยเภโท
เวทิตพฺโพ. กถํ? ปมสมฺมปฺปธาเน ตาว โสตาปตฺติมคฺเค ฌานาภินิเวเส
สุทฺธิกปฏิปทา สุทฺธิกสุญฺตา สุญฺตปฏิปทา สุทฺธิกอปฺปณิหิตา
อปฺปณิหิตปฏิปทาติ อิเมสุ ปญฺจสุ าเนสุ ทฺวินฺนํ ทฺวินฺนํ จตุกฺกปญฺจกนยานํ วเสน
ทส นยา โหนฺติ. เอวํ เสเสสุปีติ วีสติยา อภินิเวเสสุ เทฺว  นยสตานิ. ตานิ
จตูหิ อธิปตีหิ  จตุคุณิตานิ อฏฺ. อิติ สุทฺธิกานิ เทฺว สาธิปตีนิ อฏฺาติ
สพฺพมฺปิ นยสหสฺสํ โหติ. ตถา ทุติยสมฺมปฺปธานาทีสุ สุทฺธิกสมฺมปฺปธาเน จาติ
โสตาปตฺติมคฺเค ปญฺจ นยสหสฺสานิ. ยถา จ โสตาปตฺติมคฺเค, เอวํ เสสมคฺเคสุปีติ
กุสลวเสเนว วีสติ นยสหสฺสานิ. วิปาเก ปน สมฺมปฺปธาเนหิ กตฺตพฺพกิจฺจํ
@เชิงอรรถ:  อภิ. ๓๔/๓๕๗/๑๐๑



เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๓๒๓. http://84000.org/tipitaka/read/attha_page.php?book=54&page=323&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=7673&pagebreak=1 http://84000.org/tipitaka/atthapali/th_line.php?B=54&A=7673&pagebreak=1#p323


จบการแสดงผล หน้าที่ ๓๒๓.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]