Khandhānameva adhivacanaṃ bhaveyya, yadi satthā parato uttaracūḷabhājanīyaṃ nāma na
āhareyya. Uttaracūḷabhājanīye pana "../../bdpicture/chandoyeva chandiddhipādo, viriyameva, cittameva,
vīmaṃsāva vīmaṃsiddhipādo"ti kathitaṃ. Keci pana "iddhi nāma anipphannā, iddhipādo
nipphanno"ti vadiṃsu. Tesaṃ vacanaṃ paṭikkhipitvā iddhipi iddhipādopi nipphanno
tilakkhaṇabbhāhatoti sanniṭṭhānaṃ kataṃ. Iti imasmiṃ suttantabhājanīye
lokiyalokuttaramissakā iddhipādā kathitāti.
Suttantabhājanīyavaṇṇanā niṭṭhitā.
--------------
2. Abhidhammabhājanīyavaṇṇanā
[444] Abhidhammabhājanīyaṃ uttānatthameva. Nayā panettha gaṇetabbā.
"../../bdpicture/chandasamādhipadhānasaṅkhārasamannāgataṃ iddhipādaṃ bhāvetī"ti vuttaṭṭhānasmiñhi
lokuttarāni cattāri nayasahassāni vibhattāni. Viriyasamādhiādīsupi eseva nayo. Tathā
uttaracūḷabhājanīye chandiddhipāde cattāri nayasahassāni vibhattāni,
viriyacittavīmaṃsiddhipāde cattāri cattārīti sabbānipi aṭṭhannaṃ catukkānaṃ vasena
dvattiṃsa nayasahassāni vibhattāni. Evametaṃ nibbattitalokuttarānaṃyeva iddhipādānaṃ
vasena dvattiṃsanayasahassapaṭimaṇḍitaṃ abhidhammabhājanīyaṃ kathitanti veditabbaṃ.
Abhidhammabhājanīyavaṇṇanā niṭṭhitā.
---------------
3. Pañhāpucchakavaṇṇanā
[462] Pañhāpucchake pālianusāreneva iddhipādānaṃ kusalādibhāvo veditabbo.
Ārammaṇattikesu pana sabbepete appamāṇaṃ nibbānaṃ ārabbha pavattito
appamāṇārammaṇāeva, na maggārammaṇā. Sahajātahetuvasena pana maggahetukā,
na maggādhipatino. Cattāro hi adhipatayo aññamaññaṃ garuṃ na karonti. Kasmā?
The Pali Atthakatha in Roman Character Volume 54 Page 330.
http://84000.org/tipitaka/read/attha_page.php?book=54&page=330&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=54&A=7834&pagebreak=1
http://84000.org/tipitaka/atthapali/rm_line.php?B=54&A=7834&pagebreak=1#p330
