Samādiyantenapi pāṭiyekkaṃ pāṭiyekkaṃ samādiyantenapi samādinnāneva honti.
Payogato sabbānipi sāhatthikapayogānevāti veditabbāni.
[712] Idāni yāsaṃ sikkhānaṃ koṭṭhāsabhāvena imāni pañca sikkhāpadāni
vuttāni, tāni dassetuṃ katame dhammā sikkhāti ayaṃ sikkhāvāro āraddho. Tattha
yasmā sabbepi catubhūmikā kusalā dhammā sikkhitabbabhāvato sikkhā, tasmā te dassetuṃ
yasmiṃ samaye kāmāvacarantiādi vuttaṃ. Tattha heṭṭhā cittuppādakaṇḍe 1- vuttanayeneva
pāliṃ vitthāretvā attho veditabbo, idha pana mukhamattameva dassitanti.
Abhidhammabhājanīyavaṇṇanā niṭṭhitā.
-------------
2. Pañhāpucchakavaṇṇanā
[714] Pañhāpucchake pālinayānusāreneva sikkhāpadānaṃ kusalādibhāvo
veditabbo. Ārammaṇattikesu pana yāni sikkhāpadāni ettha sattārammaṇānīti
vuttāni, tāni yasmā sattoti saṅkhagate saṅkhāreyeva ārammaṇaṃ karonti, yasmā ca
sabbānipi etāni sampattavirativaseneva niddiṭṭhāni, tasmā "parittārammaṇā"ti
ca "paccuppannārammaṇā"ti ca vuttaṃ. Yato pana viramati, tassa vatthuno
accantabahiddhattā sabbesampi bahiddhārammaṇatā veditabbāti.
Pañhāpucchakavaṇṇanā niṭṭhitā.
Imasmiṃ pana sikkhāpadavibhaṅge sammāsambuddhena abhidhammabhājanīyepi
pañhāpucchakepi lokiyāneva sikkhāpadāni kathitāni. Ubhopi hi ete nayā
lokiyattā ekaparicchedāeva. Evamayaṃ sikkhāpadavibhaṅgo dveparivaṭṭaṃ nīharitvāva
bhājetvā dassitoti.
Sammohavinodaniyā vibhaṅgaṭṭhakathāya
sikkhāpadavibhaṅgavaṇṇanā niṭṭhitā.
----------------
@Footnote: 1 abhi. 34/1/21
The Pali Atthakatha in Roman Character Volume 54 Page 412.
http://84000.org/tipitaka/read/attha_page.php?book=54&page=412&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=54&A=9733&pagebreak=1
http://84000.org/tipitaka/atthapali/rm_line.php?B=54&A=9733&pagebreak=1#p412
