17. Khuddakavatthuvibhanga
1. Ekakamatikadivannana
[832] Idani tadanantare khuddakavatthuvibhangepi pathamam matikam thapetva
nikkhittapadanukkamena niddeso kato. Tatrayam nikkhepaparicchedo, adito tava
jatimadotiadayo tesattati ekaka nikkhitta, tato kodho ca upanaho catiadayo
attharasa duka, akusalamuladayo pancatimsa tika, asavacatukkadayo cuddasa catukka,
orambhagiyasamyojanadayo pannarasa pancaka, vivadamuladayo cuddasa chakka,
anusayadayo satta sattaka, kilesavatthuadayo attha atthaka, aghatavatthuadayo
nava navaka, kilesavatthuadayo satta dasaka, ajjhattikassa upadaya attharasa
tanhavicaritanitiadayo cha attharasakati sabbanipi etani atthakilesatani
nikkhittaniti veditabbani. Ayantava nikkhepaparicchedo.
1. Ekakaniddesavannana
[843-4] Idani yathanikkhittaya matikaya tattha katamo jatimadotiadina
nayena araddhe niddesavare jatim paticcati jatim nissaya. Ettha ca atthipaticcam
nama kathitam, tasma jatiya satiti ayamettha attho. Gottam paticcatiadisupi
eseva nayo. Madanavasena mado. Majjanakaro majjana. Majjitabhavo majjitattam.
Mano mannanatiadini hettha dhammasangahatthakathayam 1- vuttatthaneva. Ayam vuccatiti
ayam evam jatiya sati tam jatim nissaya uppanno majjanakarappatto mano
jatimadoti vuccati. Svayam khattiyadinam catunnampi vannanam uppajjati.
Jatisampanno hi khattiyo "madiso anno natthi, avasesa antara utthaya khattiya
@Footnote: 1 sangani.A. 1/1121/430
The Pali Atthakatha in Roman Character Volume 54 Page 502.
http://84000.org/tipitaka/read/attha_page.php?book=54&page=502&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=54&A=11816&modeTY=2&pagebreak=1
http://84000.org/tipitaka/atthapali/rm_line.php?B=54&A=11816&modeTY=2&pagebreak=1#p502
