ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบไทย
อรรถกถาเล่มที่ ๕๔ ภาษาบาลี อักษรไทย วิภงฺค.อ. (สมฺโมห.)

หน้าที่ ๕๓๒.

     [๘๘๙] ลาภสกฺการสิโลกปฏิสํยุตฺโตติ จีวราทิลาเภน เจว สกฺกาเรน
จ กิตฺติสทฺเทน จ สทฺธึ อารมฺมณกรณวเสน ปฏิสํยุตฺโต.
     [๘๙๐] อนวญฺตฺติปฏิสํยุตฺโตติ "อโห วต มํ ปเร น อวชาเนยฺยุํ,
น โปเถตฺวา วิเหเตฺวา กเถยฺยุนฺ"ติ เอวํ อนวญฺาตภาวปตฺถนาย ๑- สทฺธึ
อุปฺปนฺนวิตกฺโก. ๒- โย ตตฺถ เคหสิโตติ โย ตสฺมึ "มา มํ ปเร อวชานึสู"ติ
อุปฺปนฺเน จิตฺเต ปญฺจกามคุณสงฺขาตเคหนิสฺสิโต หุตฺวา อุปฺปนฺนวิตกฺโก. เสสํ
สพฺพตฺถ ปากฏเมวาติ.
                      เอกกนิทฺเทสวณฺณนา นิฏฺิตา.
                           -----------
                         ๒. ทุกนิทฺเทสวณฺณนา
     [๘๙๑] ทุเกสุ โกธนิทฺเทสาทโย เหฏฺา วุตฺตนเยเนว เวทิตพฺพา.
เหฏฺา อนาคเตสุ ปน อุปนาหนิทฺเทสาทีสุ ปุพฺพกาลํ โกธํ อุปนยฺหตีติ
อปรกาลโกโธ อุปนาโห นาม. อุปนยฺหนากาโร อุปนยฺหนา. อุปนยฺหิตสฺส
ภาโว อุปนยฺหิตตฺตํ. อฏฺปนาติ ปมุปฺปนฺนสฺส อนนฺตรฏฺปนา มริยาทฏฺปนา
วา. ปนาติ ปกติปนา. สณฺปนาติ สพฺพโตภาเคน ปุนปฺปุนํ อาฆาตฏฺปนา.
อนุสํสนฺทนาติ ปมุปฺปนฺเนน โกเธน สทฺธึ อนฺตรํ อทสฺเสตฺวา เอกีภาวกรณํ. ๓-
อนุปฺปพนฺธนาติ ปุริเมน สทฺธึ ปจฺฉิมสฺส ฆฏนา. ทฬฺหีกมฺมนฺติ ถิรกรณํ.
อยํ วุจฺจตีติ อยํ อุปนทฺธนลกฺขโณ เวรํ อปฺปฏินิสฺสชฺชนรโส อุปนาโหติ
วุจฺจติ, เยน สมนฺนาคโต ปุคฺคโล เวรํ นิสฺสชฺชิตุํ น สกฺโกติ, "เอวํ นาม
มํ เอส วตฺตุํ อนนุจฺฉวิโก"ติ อปราปรํ อนุพนฺธติ, อาทิตฺตปูติอลาตํ วิย
ชลเตว, โธวิยมานํ อจฺฉจมฺมํ วิย วสาเตลมกฺขิตปิโลติกา วิย จ น ปริสุชฺฌติ.
@เชิงอรรถ:  ม. อนวญฺตฺติภาวปตฺถนาย      ฉ.ม. อุปฺปชฺชนวิตกฺโก
@ ฉ.ม. เอกีภาวกรณา



เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๕๓๒. http://84000.org/tipitaka/read/attha_page.php?book=54&page=532&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=12511&pagebreak=1 http://84000.org/tipitaka/atthapali/th_line.php?B=54&A=12511&pagebreak=1#p532


จบการแสดงผล หน้าที่ ๕๓๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]