อรรถกถาเล่มที่ ๕๔ หน้าที่ ๕๕๓.

[๙๕๐] อสตํ ธมฺมา, ลามกฏฺเน วา อสนฺตา ธมฺมาติ อสทฺธมฺมา. ราคาทีหิ โทเสหิ ทุฏฺานิ จริตานีติ ทุจฺจริตานิ. เตน เตนากาเรน มญฺนฺตีติ มานา. [๙๕๑] ทิฏฺินิทฺเทเส รูปีติ รูปวา. จาตุมหาภูติโกติ จตุมหาภูตมโย. มาตาปิตูนํ เอตนฺติ มาตาเปตฺติกํ. กินฺตํ? สุกฺกโสณิตํ. มาตาเปตฺติเก สมฺภูโต. ชาโตติ มาตาเปตฺติกสมฺภโว. อิธ รูปกายสีเสน มนุสฺสตฺตภาวํ อตฺตาติ วทติ. ทุติโย ตํ ปฏิกฺขิปิตฺวา ทิพฺพตฺตภาวํ วทติ. ทิพฺโพติ เทวโลเก สมฺภูโต. กามาวจโรติ ฉกามาวจรเทวปริยาปนฺโน. กพฬิงฺการํ ภกฺขยตีติ กพฬิงฺการภกฺโข. มโนมโยติ ฌานมเนน นิพฺพตฺโต. สพฺพงฺคปจฺจงฺคีติ สพฺพงฺคปจฺจงฺคยุตฺโต. อหีนินฺทฺริโยติ ปริปุณฺณินฺทฺริโย. ยานิ พฺรหฺมโลเก อตฺถิ, เตสํ วเสน อิตเรสญฺจ สณฺานวเสเนตํ วุตฺตํ. อากาสานญฺจายตนูปโคติ อากาสานญฺจายตนภวํ อุปคโต. อิตเรสุปิ เอเสว นโย. เสสํ สพฺพตฺถ อุตฺตานตฺถเมวาติ. สตฺตกนิทฺเทสวณฺณนา นิฏฺิตา. ------------ ๘. อฏฺกนิทฺเทสวณฺณนา [๙๕๒] อฏฺกนิทฺเทเส กิเลสาเยว กิเลสวตฺถูนิ. กุสีตวตฺถูนีติ กุสีตสฺส อลสสฺส วตฺถูนิ ปติฏฺา, โกสชฺชการณานีติ อตฺโถ. กมฺมํ กตฺตพฺพํ โหตีติ จีวรวิจารณาทิกมฺมํ กาตพฺพํ โหติ. น วิริยํ อารภตีติ ทุวิธมฺปิ วิริยํ นารภติ. อปฺปตฺตสฺสาติ ฌานวิปสฺสนามคฺคผลธมฺมสฺส อปฺปตฺตสฺส ปตฺติยา. อนธิคตสฺสาติ ตสฺเสว อนธิคตสฺส อธิคมตฺถาย. อสจฺฉิกตสฺสาติ ตสฺเสว อสจฺฉิกตสฺส สจฺฉิกรณตฺถาย. อิทํ ปมนฺติ อิทํ "หนฺทาหํ นิปชฺชามี"ติ เอวํ โอสีทนํ ปมํ กุสีตวตฺถุ. อิมินา นเยน สพฺพตฺถ อตฺโถ เวทิตพฺโพ.

เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๕๕๓. http://84000.org/tipitaka/read/attha_page.php?book=54&page=553&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=12986&pagebreak=1 http://84000.org/tipitaka/atthapali/th_line.php?B=54&A=12986&pagebreak=1#p553