บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 54 : PALI ROMAN Vibhanga.A. (sammoha.) Page 553.
[950] Asatam dhamma, lamakatthena va asanta dhammati asaddhamma. Ragadihi dosehi dutthani caritaniti duccaritani. Tena tenakarena mannantiti mana. [951] Ditthiniddese rupiti rupava. Catumahabhutikoti catumahabhutamayo. Matapitunam etanti matapettikam. Kintam? sukkasonitam. Matapettike sambhuto. Jatoti matapettikasambhavo. Idha rupakayasisena manussattabhavam attati vadati. Dutiyo tam patikkhipitva dibbattabhavam vadati. Dibboti devaloke sambhuto. Kamavacaroti chakamavacaradevapariyapanno. Kabalinkaram bhakkhayatiti kabalinkarabhakkho. Manomayoti jhanamanena nibbatto. Sabbangapaccangiti sabbangapaccangayutto. Ahinindriyoti paripunnindriyo. Yani brahmaloke atthi, tesam vasena itaresanca santhanavasenetam vuttam. Akasanancayatanupagoti akasanancayatanabhavam upagato. Itaresupi eseva nayo. Sesam sabbattha uttanatthamevati. Sattakaniddesavannana nitthita. ------------ 8. Atthakaniddesavannana [952] Atthakaniddese kilesayeva kilesavatthuni. Kusitavatthuniti kusitassa alasassa vatthuni patittha, kosajjakarananiti attho. Kammam kattabbam hotiti civaravicaranadikammam katabbam hoti. Na viriyam arabhatiti duvidhampi viriyam narabhati. Appattassati jhanavipassanamaggaphaladhammassa appattassa pattiya. Anadhigatassati tasseva anadhigatassa adhigamatthaya. Asacchikatassati tasseva asacchikatassa sacchikaranatthaya. Idam pathamanti idam "handaham nipajjami"ti evam osidanam pathamam kusitavatthu. Imina nayena sabbattha attho veditabbo.The Pali Atthakatha in Roman Character Volume 54 Page 553. http://84000.org/tipitaka/read/attha_page.php?book=54&page=553&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=54&A=12986&modeTY=2&pagebreak=1 http://84000.org/tipitaka/atthapali/rm_line.php?B=54&A=12986&modeTY=2&pagebreak=1#p553
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]