อรรถกถาเล่มที่ ๕๔ หน้าที่ ๕๕๖.

อปฺปมาณกสิณํ. อนฺตวา จ อนนฺตวา จาติ อุทฺธํ อโธ สปริยนฺตํ ติริยํ อปริยนฺตํ กสิณํ อตฺตาติ คเหตฺวา อุปฺปนฺนทิฏฺิ. เนวนฺตวา นานนฺตวาติ ตกฺกิตทิฏฺิเยว. เสสํ สพฺพตฺถ อุตฺตานตฺถเมวาติ. อฏฺกนิทฺเทสวณฺณนา นิฏฺิตา. ----------- ๙. นวกนิทฺเทสวณฺณนา [๙๖๐] นวกนิทฺเทเส นว อาฆาตวตฺถูนีติ สตฺเตสุ อุปฺปตฺติวเสเนว กถิตานิ. ปุริสานํ มลานีติ ปุริสมลานิ. นววิธาติ นวโกฏฺาสา นวปฺปเภทา วา. [๙๖๓] ตณฺหํ ปฏิจฺจาติ ตณฺหํ นิสฺสาย. ปริเยสนาติ รูปาทิอารมฺมณปริเยสนา. สา หิ ตณฺหาย สติ โหติ. ลาโภติ รูปาทิอารมฺมณปฏิลาโภ. โส หิ ปริเยสนาย สติ โหติ. วินิจฺฉโย ปน าณตณฺหาทิฏฺิวิตกฺกวเสน จตุพฺพิโธ. ตตฺถ "สุขวินิจฺฉยํ ชญฺา, สุขวินิจฺฉยํ ตฺวา อชฺฌตฺตํ สุขมนุยุญฺเชยฺยา"ติ ^๑- อยํ าณวินิจฺฉโย. "วินิจฺฉยาติ เทฺว วินิจฺฉยา ตณฺหาวินิจฺฉโย จ ทิฏฺิวินิจฺฉโย จา"ติ ^๒- เอวํ อาคตานิ อฏฺสตํ ตณฺหาวิจริตานิ ตณฺหาวินิจฺฉโย. ทฺวาสฏฺี ทิฏฺิโย ทิฏฺิวินิจฺฉโย. "ฉนฺโท โข เทวานมินฺท วิตกฺกนิทาโน"ติ ^๓- อิมสฺมึ ปน สุตฺเต อิธ วินิจฺฉโยติ วุตฺโต วิตกฺโกเยว อาคโต. ลาภํ ลภิตฺวา หิ อิฏฺานิฏฺ สุนฺทราสุนฺทรญฺจ วิตกฺเกเนว วินิจฺฉินาติ "เอตฺตกํ เม รูปารมฺมณตฺถาย ภวิสฺสติ, เอตฺตกํ สทฺทาทิอารมฺมณตฺถาย, เอตฺตกํ มยฺหํ ภวิสฺสติ, เอตฺตกํ ปรสฺส, เอตฺตกํ ปริภุญฺชิสฺสามิ, เอตฺตกํ นิทหิสฺสามี"ติ. เตน วุตฺตํ "ลาภํ ปฏิจฺจ วินิจฺฉโย"ติ. ฉนฺทราโคติ เอวํ อกุสลวิตกฺเกน วิตกฺกิเต วตฺถุสฺมึ ทุพฺพลราโค จ พลวราโค จ อุปฺปชฺชติ. อิทญฺหิ อิธ ฉนฺโทติ ทุพฺพลราคสฺสาธิวจนํ. อชฺโฌสานนฺติ @เชิงอรรถ: ^๑ ม.อุ. ๑๔/๓๒๓/๒๙๖ ^๒ ขุ.มหา. ๒๙/๔๗๐/๓๑๙ (สฺยา) ^๓ ที.ม. ๑๐/๓๕๘/๒๓๗

เนื้อความอรรถกถาฉบับภาษาบาลี อักษรไทย เล่มที่ ๕๔ หน้าที่ ๕๕๖. http://84000.org/tipitaka/read/attha_page.php?book=54&page=556&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=54&A=13056&pagebreak=1 http://84000.org/tipitaka/atthapali/th_line.php?B=54&A=13056&pagebreak=1#p556