romanATTHA book 55 Page 182.

Neva attanoti pañhe pana nimminitvā upasaṃharantīti laddhiyā paṭijānāti. Lomakūpehīti pañhe sappitelānaṃ viya lomakūpehi upasaṃharaṇābhāvaṃ disvā paṭikkhipati. [308] Handa hīti byavasāyatthe ^1- nipāto. "arahā nu kho ahaṃ, no"ti evaṃ vimatiṃ gāhayissāmāti evaṃ byavasāyaṃ ^2- katvā upasaṃharantīti attho. Atthi arahato vimatīti puṭṭho aṭṭhavatthukaṃ vicikicchaṃ sandhāya paṭikkhipati, dutiyaṃ puṭṭho itthīpurisādīnaṃ ^3- nāmagottādīsu sanniṭṭhānābhāvaṃ sandhāya paṭijānāti. [309] Atthi tassa āsayoti tassa sukkassa uccārapassāvānaṃ viya patiṭṭhānokāso atthīti pucchati. [312] Sadhammakusalassāti attano ^4- arahattadhammamatteyeva kusalassa. Paññāvimuttaṃ sandhāyevaṃ vadati. Paradhammakusalassāti sadhammato parasmiṃ aṭṭhasamāpattidhammepi kusalassa. Ubhatobhāgavimuttaṃ sandhāyevaṃ vadati. Sesamettha pālianusāreneva veditabbanti. Parūpahārakathāvaṇṇanā niṭṭhitā. ----------- 2-3-4. Aññāṇakaṅkhāparavitāraṇakathāvaṇṇanā ^*- [314] Idāni aññāṇakaṅkhāparavitāraṇāti ^5- tisso kathā nāma honti. Tattha yesaṃ "arahato itthīpurisādīnaṃ nāmagottādīsu ñāṇuppattiyā ^6- abhāvena atthi aññāṇaṃ, tattheva sanniṭṭhānābhāvena atthi kaṅkhā. Yasmā ca nesaṃ tāni vatthūni pare vitaranti pakāsenti ācikkhanti, tasmā nesaṃ atthi paravitāraṇā"ti @Footnote: ¹ cha.Ma. vacasāyaṭṭhe ² cha.Ma. vacasāyaṃ ³ cha.Ma. itthipurisānaṃ @⁴ Sī.,Ma. attanopi ⁵ cha.Ma. aññāṇaṃ kaṅkhā paravitaraṇāti @⁶ cha.Ma. ñāṇappavattiyā ^* cha.Ma. aññāṇādikathāvaṇṇanā

The Pali Atthakatha in Roman Character Volume 55 Page 182. http://84000.org/tipitaka/read/attha_page.php?book=55&page=182&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4082&pagebreak=1 http://84000.org/tipitaka/atthapali/rm_line.php?B=55&A=4082&pagebreak=1#p182