อรรถกถาเล่มที่ ๕๕ หน้าที่ ๒๗๖.

เสสํ เหฏฺฐา อนุสยกถายํ วุตฺตนเยเนว เวทิตพฺพํ. สานุสโยติอาทิ ปน ตสฺมึ สมเย อนุสยสฺส อปฺปหีนตฺตา สานุสโยติ วตฺตพฺพตํ อนุปฺปนฺนตฺตา จ ปริยุฏฺฐิโตติ อวตฺตพฺพตํ ทีเปติ, น อนุสยปริยุฏฺฐานานํ อญฺญตฺตํ, ตสฺมา อสาธกนฺติ. อญฺโญอนุสโยติกถาวณฺณนา นิฏฺฐิตา. ------------ ๖. ปริยุฏฺฐานํจิตฺตวิปฺปยุตฺตนฺติกถาวณฺณนา [๗๐๒] อิทานิ ปริยุฏฺฐานํ จิตฺตวิปฺปยุตฺตนฺติกถา นาม โหติ. ตตฺถ ยสฺมา อนิจฺจาทิโต มนสิกโรโตปิ ราคาทโย อุปฺปชฺชนฺติ. วุตฺตมฺปิ เจตํ "อปฺเปกทา โภ ภารทฺวาช อสุภโต ^*- มนสิกริสฺสามีติ สุภโตว มนสิกโรตี"ติ. ^๑- ตสฺมา ปริยุฏฺฐานํ จิตฺตวิปฺปยุตฺตนฺติ เยสํ ลทฺธิ เสยฺยถาปิ อนฺธกานํเยว, เต สนฺธาย ปุจฺฉา สกวาทิสฺส, ปฏิญฺญา อิตรสฺส. เสสเมตฺถ เหฏฺฐา วุตฺตนยตฺตา ^๒- อุตฺตานตฺถเมวาติ. ปริยุฏฺฐานํจิตฺตวิปฺปยุตฺตนฺติกถาวณฺณนา นิฏฺฐิตา. -------------- ๗. ปริยาปนฺนกถาวณฺณนา [๗๐๓-๗๐๕] อิทานิ ปริยาปนฺนกถา นาม โหติ. ตตฺถ ยสฺมา กามราโค กามธาตุํ อนุเสติ, กามธาตุปริยาปนฺโนติ จ วุจฺจติ, ตสฺมา รูปราคาปิ ^๓- รูปธาตุอรูปธาตุโย อนุเสนฺติ, รูปธาตุอรูปธาตุปริยาปนฺนาเยว จ นาม โหนฺตีติ เยสํ ลทฺธิ เสยฺยถาปิ อนฺธกานญฺเจว สมิติยานญฺจ, เต สนฺธาย รูปราโคติ ปุจฺฉา สกวาทิสฺส, ปฏิญฺญา อิตรสฺส. ตตฺถ อนุเสตีติ ยถา กามราโค @เชิงอรรถ: ^๑ สํ.สฬา. ๑๘/๑๙๗/๑๔๑ (สฺยา) ^๒ ฉ.ม. "เหฏฺฐา วุตฺตนยตฺตา"ติ ปาโฐ น ทิสฺสติ @^* ปาลิ. มนสิกริสฺสามาติ สุภโตว อาคจฺฉติ ^๓ ฉ.ม. รูปราคารูปราคาปิ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๗๖. http://84000.org/tipitaka/read/attha_page.php?book=55&page=276&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=6215&modeTY=2&pagebreak=1 http://84000.org/tipitaka/atthapali/th_line.php?B=55&A=6215&modeTY=2&pagebreak=1#p276