อรรถกถาเล่มที่ ๕๕ หน้าที่ ๕๖๙.

ยถา จ กุสลตฺติกํ เวทนาตฺติกาทีหิ เวทนาตฺติกาทโย จ เตน สทฺธึ โยเชตฺวา เวทิตพฺพา, ตถา เอเกกํ ติกํ เสเสหิ เสสา จ เตหิ สทฺธึ โยเชตฺวา เวทิตพฺพาติ. ติกติกปฏฺฐานวณฺณนา นิฏฺฐิตา. ------------ ๖. ทุกทุกปฏฺฐานวณฺณนา ทุกทุกปฏฺฐาเนปิ เหตุสเหตุกํ ธมฺมํ ปฏิจฺจ เหตุสเหตุโก ธมฺโม อุปฺปชฺชติ เหตุปจฺจยาติ ปญฺหุทฺธารวเสเนว สงฺเขปโต เทสนา กตา. ตตฺถ เหตุทุกํ สเหตุกทุกาทีหิ สเหตุกทุกาทโย ^๑- จ เตน สทฺธึ โยชิตา. ^๒- เอเกกํ ปน ทุกํ เสเสหิ เสสา จ เตหิ สทฺธึ ปฏิปาฏิยา โยเชตพฺพา. อิทญฺหิ ทุกทุกปฏฺฐานํ นาม ทุเกสุเยว ทุเก ปกฺขิปิตฺวา เทสิตํ. เตเนตฺถ สพฺพทุเกหิ สทฺธึ สพฺพทุกานํ โยชนา เวทิตพฺพา. ปาลิ ปน สงฺขิตฺตา. เยน เยน จ ปเทน สทฺธึ ยํ ยํ ปทํ โยชนํ น คจฺฉติ, ตํ ตํ หาเปตฺวาว เทสนา กตาติ. ทุกทุกปฏฺฐานวณฺณนา นิฏฺฐิตา. ---------- อนุโลมปฏฺฐานวณฺณนา เอตฺตาวตา:- ติกญฺจ ปฏฺฐานวรํ ทุกุตฺตมํ ทุกํ ติกญฺเจว ติกํ ทุกญฺจ ติกํ ติกญฺเจว ทุกํ ทุกญฺจ ฉ อนุโลมมฺหิ นยา สุคมฺภีราติ @เชิงอรรถ: ^๑ ฉ.ม. สเหตุกทุกาทีนิ ^๒ ฉ.ม. โยชิตานิ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๕๖๙. http://84000.org/tipitaka/read/attha_page.php?book=55&page=569&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=12856&modeTY=2&pagebreak=1 http://84000.org/tipitaka/atthapali/th_line.php?B=55&A=12856&modeTY=2&pagebreak=1#p569