romanATTHA book 55 Page 156.

"kalyāṇapāpakānī"ti avatvā heṭṭhā vuttanayāeva "kammaṃ atthī"tiādinā vikappena dassitā. Tesampi heṭṭhā vuttanayeneva attho veditabbo. Purisakārānuyogavaṇṇanā niṭṭhitā. Kalyāṇavaggotipi etasseva nāmaṃ. ---------- 14. Abhiññānuyogavaṇṇanā [193] Ito paraṃ abhiññānuyogādivasena arahattasādhanā hoti. Tattha āmantāti sakavādinā paṭiññāte paravādī "bahiddhā anindriyabaddharūpe iddhividhādivisesādhigamo natthi, ajjhattaṃ atthi, tasmā iddhādinibbattakena puggalena bhavitabban"ti maññamāno nanu atthi koci iddhiṃ vikubbatītiādimāha. Taṃ sabbaṃ uttānatthamevāti. Abhiññānuyogavaṇṇanā niṭṭhitā. ----------- 15-18. Ñātakānuyogādivaṇṇanā [197] Idāni mātātiādiko ñātakānuyogo. Khattiyotiādiko jātianuyogo. Gahaṭṭho pabbajitoti paṭipattianuyogo. Devo manussoti upapattianuyogo. Sotāpannotiādiko paṭivedhānuyogo, ariyānuyogotipi vuccati. Te sabbe uttānatthāyeva. "arahā hutvā na arahā"ti panettha moghapañhattā na vuttaṃ. [206] Cattāro purisayugātiādi saṃghānuyogo, sopi uttānatthoeva. [209] Saṅkhatotiādi sacchikaṭṭhasabhāvānuyogo. Tattha tatiyā koṭīti pucchā sakavādissa. Tathārūpassa sacchikaṭṭhassa abhāvato paṭikkhepo paravādissa. Puna puṭṭhassa ^1- puggalaṃ sandhāya paṭiññā tasseva. @Footnote: ¹ cha.Ma. puṭṭho

The Pali Atthakatha in Roman Character Volume 55 Page 156. http://84000.org/tipitaka/read/attha_page.php?book=55&page=156&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=3488&pagebreak=1 http://84000.org/tipitaka/atthapali/rm_line.php?B=55&A=3488&pagebreak=1#p156