บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
อรรถกถาเล่มที่ ๕๕ ภาษาบาลี อักษรไทย ปญฺจ.อ. (ปรมตฺถที.) หน้าที่ ๑๗๗.
อนาคตสฺส อตฺถิภาวสาธนตฺถํ "นนุ วุตฺตํ ภควตา กพฬิงฺกาโร ๑- เจ ภิกฺขเว"ติ สุตฺตสฺส ปริโยสาเน อตฺถิ ตตฺถ อายตึ ปุนพฺภวาภินิพฺพตฺตีติอาทิ ทสฺสิตํ, น ตํ อนาคตสฺส อตฺถิภาวสาธกํ. ตญฺหิ เหตูนํ ปรินิฏฺฐิตตฺตา อวสฺสํ ภาวิตํ สนฺธาย ตตฺถ วุตฺตํ. อยํ สุตฺตาธิปฺปาโย. เสสํ สพฺพตฺถ อุตฺตานตฺถเมวาติ. สพฺพมตฺถีติกถาวณฺณนา นิฏฺฐิตา. ------------ ๖. อตีตกฺขนฺธาติอาทิกถา ๑. นสุตฺตสาธนกถาวณฺณนา [๒๙๗] อิทานิ "อตีตํ ขนฺธา"ติอาทิกถา นาม ๒- โหติ. ตตฺถ ขนฺธาทิ- ภาวาวิชหนโต อตีตานาคตานํ อตฺถิตํ อิจฺฉนฺตสฺส อตีตํ ขนฺธาติอาทิปุจฺฉา ๓- ปรวาทิสฺส, อตีตสฺส ขนฺธสงฺคหิตตฺตา อามนฺตาติ ปฏิญฺญา สกวาทิสฺส. ปุน อตีตํ อตฺถีติ ๔- ปุจฺฉา ปรวาทิสฺส, ตสฺส นิรุตฺติปถสุตฺเตน อตฺถิตาย วาริตตฺตา ปฏิกฺเขโป สกวาทิสฺส. อายตนธาตุปุจฺฉาสุปิ อนาคตปเญฺหสุปิ ปจฺจุปฺปนฺเนน สทฺธึ สํสนฺทิตฺวา อนุโลมปฏิโลมโต อาคตปเญฺหสุปิ "อตีตํ รูปนฺ"ติอาทิ- ปเญฺหสุปิ อิมินาว อุปาเยน อตฺโถ เวทิตพฺโพ. ๒. สุตฺตสาธนวณฺณนา [๒๙๘] สุตฺตสาธเน ๕- ปน น วตฺตพฺพนฺติ ปุจฺฉา สกวาทิสฺส. ตตฺถ นตฺถิ เจเตติ นตฺถิ จ เอเต ธมฺมาติ อตฺโถ. ขนฺธาทิภาเว สติ นตฺถิตํ อนิจฺฉนฺตสฺส อามนฺตาติ ปฏิญฺญา ปรวาทิสฺส, อถ เนสํ นตฺถิภาวสาธนตฺถํ สุตฺตาหรณํ สกวาทิสฺส. ทุติยปุจฺฉาปิ ปรวาทิสฺส, ปฏิญฺญา สกวาทิสฺส, @เชิงอรรถ: ๑ ฉ.ม. กพฬีกาเร ๒ ฉ.ม. อยํ สทฺโท น ทิสฺสติ ๓ ฉ.ม. ปุจฺฉา @๔ ฉ.ม. นตฺถีติ ๕ สี.,ม. สุตฺตโสธเนเนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๑๗๗. http://84000.org/tipitaka/read/attha_page.php?book=55&page=177&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=3966&modeTY=2&pagebreak=1 http://84000.org/tipitaka/atthapali/th_line.php?B=55&A=3966&modeTY=2&pagebreak=1#p177
จบการแสดงผล หน้าที่ ๑๗๗.
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]