บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 177.
Anagatassa atthibhavasadhanattham "nanu vuttam bhagavata kabalinkaro 1- ce bhikkhave"ti suttassa pariyosane atthi tattha ayatim punabbhavabhinibbattitiadi dassitam, na tam anagatassa atthibhavasadhakam. Tanhi hetunam parinitthitatta avassam bhavitam sandhaya tattha vuttam. Ayam suttadhippayo. Sesam sabbattha uttanatthamevati. Sabbamatthitikathavannana nitthita. ------------ 6. Atitakkhandhatiadikatha 1. Nasuttasadhanakathavannana [297] Idani "atitam khandha"tiadikatha nama 2- hoti. Tattha khandhadi- bhavavijahanato atitanagatanam atthitam icchantassa atitam khandhatiadipuccha 3- paravadissa, atitassa khandhasangahitatta amantati patinna sakavadissa. Puna atitam atthiti 4- puccha paravadissa, tassa niruttipathasuttena atthitaya varitatta patikkhepo sakavadissa. Ayatanadhatupucchasupi anagatapanhesupi paccuppannena saddhim samsanditva anulomapatilomato agatapanhesupi "atitam rupan"tiadi- panhesupi iminava upayena attho veditabbo. 2. Suttasadhanavannana [298] Suttasadhane 5- pana na vattabbanti puccha sakavadissa. Tattha natthi ceteti natthi ca ete dhammati attho. Khandhadibhave sati natthitam anicchantassa amantati patinna paravadissa, atha nesam natthibhavasadhanattham suttaharanam sakavadissa. Dutiyapucchapi paravadissa, patinna sakavadissa, @Footnote: 1 cha.Ma. kabalikare 2 cha.Ma. ayam saddo na dissati 3 cha.Ma. puccha @4 cha.Ma. natthiti 5 Si.,Ma. suttasodhaneThe Pali Atthakatha in Roman Character Volume 55 Page 177. http://84000.org/tipitaka/read/attha_page.php?book=55&page=177&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=3966&modeTY=2&pagebreak=1 http://84000.org/tipitaka/atthapali/rm_line.php?B=55&A=3966&modeTY=2&pagebreak=1#p177
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]