บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 184.
Ceva paṭikkhipati ca. Lokuttaraṃ paṭhamajjhānaṃ samāpanno dukkhaṃ dukkhanti vipassatīti hissa laddhi. [328] Ñāṇanti lokuttaraṃ catusaccañāṇaṃ. Sotanti sotaviññāṇaṃ adhippetaṃ, yena taṃ saddaṃ suṇāti. Dvinnaṃ phassānanti sotasamphassamanosamphassānaṃ. [329] No vata re vattabbeti yadi avisesena yaṅkiñci samāpannassa natthi vacībhedo, na avisesena vattabbaṃ "samāpannassa atthi vacībhedo"ti. Sesamettha uttānatthameva saddhiṃ suttasādhanāya. Yampanetaṃ 1- "sikhissa ānanda bhagavato"ti pariyosāne suttaṃ ābhataṃ, tattha yena samāpatticittena so vacībhedo samuṭṭhito, kāyabhedopi tena samuṭṭhātiyeva, na ca taṃ lokuttaraṃ paṭhamajjhānacittaṃ, tasmā asādhakanti. Vacībhedakathāvaṇṇanā niṭṭhitā. ----------- 6. Dukkhāhārakathāvaṇṇanā [334] Idāni dukkhāhārakathā nāma hoti. Tattha "dukkhaṃ dukkhanti vācaṃ bhāsanto dukkhe ñāṇaṃ āharati, taṃ dukkhāhāro nāma vuccati, tañca panetaṃ maggaṅgaṃ maggapariyāpannan"ti yesaṃ laddhi seyyathāpi etarahi pubbaseliyānaṃ, te sandhāya dukkhāhāroti pucchā sakavādissa, paṭiññā itarassa. 2- Ye kecīti paṭhamapañhe avipassake sandhāya paṭikkhipati. Dutiyapañhepi vipassake sandhāya paṭijānāti, taṃ panassa laddhimattameva, tasmā "sabbe te"ti vādassa bhindanatthaṃ bālaputhujjanātiādimāha. Taṃ uttānatthamevāti. Dukkhāhārakathāvaṇṇanā niṭṭhitā. ------------- @Footnote: 1 cha.Ma. yaṃ panetena 2 cha.Ma. paravādissaThe Pali Atthakatha in Roman Character Volume 55 Page 184. http://84000.org/tipitaka/read/attha_page.php?book=55&page=184&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=4127&pagebreak=1 http://84000.org/tipitaka/atthapali/rm_line.php?B=55&A=4127&pagebreak=1#p184
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]