Puccha sakavadissa. Tattha niyamagamanayati niyamo vuccati maggo, maggagamanaya
maggokkamanayati attho. Yampanassa nanam disva bhagava "bhabbo ayan"ti
janati, tam sandhaya patinna paravadissa.
Athassa sakavadi ayuttavaditam dipetum niyatassati viparitanuyogamaha. Tattha
pathamapanhe maggena niyatassa niyamagamanaya 1- nanam nama natthiti patikkhipati,
dutiye natthibhavena patijanati, tatiye aniyatassa natthiti putthatta laddhivirodhena
patikkhipati. Puna pathamapanhameva catuttham katva niyatassa niyamagamanadivasena tayo
panha kata. Tesu pathame yasma adimaggena niyatassa puna tadatthaya nanam
natthi, tasma patikkhipati. Dutiye natthibhaveneva patijanati. Tatiye laddhivirodhena 2-
patikkhipati. Puna pathamapanham atthamam katva aniyatassa aniyamagamanadivasena tayo
panha kata, tesam attho vuttanayeneva veditabbo. Puna pathamapanhameva dvadasamam
katva tammulaka atthi niyamotiadayo panha kata. Tattha yasma niyamagamanaya
nanam nama maggananameva hoti, tasma tam sandhaya atthi niyamoti
vuttam. Itaro pana niyamoti vutte patikkhipati, nananti vutte patijanati.
Satipatthanadisupi eseva nayo. Paccanikam uttanatthameva. Gotrabhunotiadi yena
yam appattam, tassa tam natthiti dassanattham vuttam. Bhagava janatiti attano
nanabalena janati, na tassa niyamagamanasabbhavato. 3- Tasma imina karanena
patitthitapissa laddhi appatitthitayevati.
Niyamakathavannana nitthita.
------------
5. Patisambhidakathavannana
[432-433] Idani patisambhidakatha nama hoti. Tattha yesam "yankinci
ariyanam nanam, sabbam lokuttarameva"ti gahetva "sabbam nanam patisambhida"ti
@Footnote: 1 cha.Ma. aniyamagamanaya 2 cha.Ma. laddhivirodheneva 3 cha.Ma. niyamagamanananasabbhavato
The Pali Atthakatha in Roman Character Volume 55 Page 211.
http://84000.org/tipitaka/read/attha_page.php?book=55&page=211&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=4735&modeTY=2&pagebreak=1
http://84000.org/tipitaka/atthapali/rm_line.php?B=55&A=4735&modeTY=2&pagebreak=1#p211
