Vutta, na sa annatra avijjadihi visum eka atthi, avijjadinampana
paccayanamyevetam namam. Uppannepi hi tathagate anuppannepi avijjato sankhara
sambhavanti, sankharadihi ca vinnanadini, tasma "avijjapaccaya sankhara"ti
ya etasmim pade sankharadhammanam karanatthena thitatati dhammatthitata, tesamyeva
ca dhammanam karanattheneva niyamatati dhammaniyamatati avijja vuccati, sa ca
asankhata, nibbananca asankhatanti pucchati. Paravadi laddhivasena patijanitva
puna dve asankhataniti puttho suttabhavena patikkhipitva laddhivasena 1- patijanati.
Sesapadesupi eseva nayo. Hettha vuttasadisam panettha vuttanayena 2- veditabbanti.
Paticcasamuppadakathavannana nitthita.
---------
3. Saccakathavannana
[452-454] Idani saccakatha nama hoti. Tattha yesam "cattarimani
bhikkhave tathani avitathani"ti 3- suttam nissaya "cattari saccani niccani
asankhatani"ti laddhi seyyathapi pubbaseliyanam, te sandhaya puccha sakavadissa,
patinna itarassa. Ayanhissa adhippayo:- dukkhasamudayamaggesu vatthusaccam
sankhatam, lakkhanasaccam asankhatam. Nirodhe vatthusaccam nama natthi, asankhatameva tanti.
Tasma amantati aha. Tampanassa laddhimattameva. So hi dukkham vatthusaccam
icchati, tatha samudayam magganca. Yani pana nesam badhanapabhavaniyyanikalakkhanani,
tani lakkhanasaccam namati, na ca badhanalakkhanadihi annani dukkhadini nama
atthiti. Tananitiadisu adhippayo vuttanayeneva veditabbo.
Dukkhasaccanti panhe laddhivasena lakkhanam sandhaya patijanati. Dukkhanti
panhe vatthum sandhaya patikkhipati. Ito param suddhikapanha ca samsandanapanha
@Footnote: 1 cha.Ma. laddhivaseneva 2 cha.Ma. vuttanayeneva 3 sam.Ma. 19/1090/375
The Pali Atthakatha in Roman Character Volume 55 Page 218.
http://84000.org/tipitaka/read/attha_page.php?book=55&page=218&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=4897&modeTY=2&pagebreak=1
http://84000.org/tipitaka/atthapali/rm_line.php?B=55&A=4897&modeTY=2&pagebreak=1#p218
