อรรถกถาเล่มที่ ๕๕ หน้าที่ ๒๑๙.

จ สพฺเพ ปาลิอนุสาเรเนว เวทิตพฺพา. อวสาเน ลทฺธิปติฏฺฐาปนตฺถํ อาหฏสุตฺตํ อตฺถสฺส มิจฺฉา คหิตตฺตา อนาหฏสทิสเมวาติ. สจฺจกถาวณฺณนา นิฏฺฐิตา. ----------- ๔. อารุปฺปกถาวณฺณนา [๔๕๕-๔๕๖] อิทานิ อารุปฺปกถา นาม โหติ. ตตฺถ เยสํ "จตฺตาโร อารุปฺปา อาเนญฺชา"ติ วจนํ นิสฺสาย "สพฺเพปิ เต ธมฺมา อสงฺขตา"ติ ลทฺธิ, เต สนฺธาย อากาสานญฺจายตนนฺติ ปุจฺฉา สกวาทิสฺส, ปฏิญฺญา อิตรสฺส. เสสเมตฺถ อุตฺตานตฺถเมวาติ. สาธกสุตฺตมฺปิ อตฺถํ อชานิตฺวา อาหฏตฺตา อนาหฏสทิสเมวาติ. อารุปฺปกถาวณฺณนา นิฏฺฐิตา. ----------- ๕. นิโรธสมาปตฺติกถาวณฺณนา [๔๕๗-๔๕๙] อิทานิ นิโรธสมาปตฺติกถา นาม โหติ. ตตฺถ นิโรธสมาปตฺตีติ จตุนฺนํ ขนฺธานํ อปฺปวตฺติ. ยสฺมา ปน สา กริยมานา กริยติ, สมาปชฺชิยมานา สมาปชฺชิยติ, ตสฺมา นิรุทฺธาติ ^๑- วุจฺจติ. สงฺขตาสงฺขตลกฺขณานํ ปน อภาเวน น วตฺตพฺพา "สงฺขตาติ วา อสงฺขตา"ติ วา. ตตฺถ เยสํ "ยสฺมา สงฺขตา น โหติ, ตสฺมา อสงฺขตา"ติ ลทฺธิ เสยฺยถาปิ อนฺธกานญฺเจว อุตฺตราปถกานญฺจ, เต สนฺธาย นิโรธสมาปตฺตีติ ปุจฺฉา สกวาทิสฺส, ปฏิญฺญา อิตรสฺส. อุปฺปาเทนฺตีติอาทิ สมาปชฺชนปฏิลาภวเสเนว วุตฺตํ. ยถา ปน รูปาทโย สงฺขตธมฺเม ^๒- อุปฺปาเทนฺติ. น ตถา ตํ เกจิ อุปฺปาเทนฺติ นาม. นิโรธา โวทานํ วุฏฺฐานนฺติ ผลสมาปตฺติ เวทิตพฺพา. อสงฺขตา ปน ตํ นตฺถิเยว, @เชิงอรรถ: ^๑ ฉ.ม. นิปฺผนฺนาติ ^๒ ฉ.ม. อสงฺขตธมฺเม

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๑๙. http://84000.org/tipitaka/read/attha_page.php?book=55&page=219&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=4920&modeTY=2&pagebreak=1 http://84000.org/tipitaka/atthapali/th_line.php?B=55&A=4920&modeTY=2&pagebreak=1#p219