Ākāsanti manodvāraviññāṇaṃ uppajjati, na cakkhuviññāṇaṃ. Sesesupi eseva
nayo. Tasmā asādhakametanti.
Ākāsosanidassanotikathāvaṇṇanā niṭṭhitā.
-------------
10. Paṭhavīdhātusanidassanātyādikathāvaṇṇanā
[465-470] Idāni paṭhavīdhātu sanidassanātiādikathā nāma hoti. Tattha
yesaṃ pāsāṇaudakajālarukkhacalanānañceva pañcindriyapatiṭṭhokāsānañca vaṇṇāyatanaṃ
kāyaviññattikāle hatthapādādirūpañca disvā "paṭhavīdhātuādayo sanidassanā"ti
laddhi seyyathāpi andhakānaṃ, te sandhāya sabbakathāsu ādipucchā sakavādissa,
paṭiññā itarassa. Sesaṃ sabbattha pālianusārena ceva heṭṭhā vuttanayena ca
veditabbanti. Paṭhavīdhātu sanidassanāti ādiṃ katvā kāyakammaṃ sanidassananti
pariyosānakathā.
Paṭhavīdhātusanidassanātyādikathāvaṇṇanā niṭṭhitā.
Chaṭṭho vaggo samatto.
--------
7. Sattamavagga
1. Saṅgahitakathāvaṇṇanā
[471-472] Idāni saṅgahitakathā nāma hoti. Tattha yasmā dāmādīhi
balibaddādayo viya keci dhammā kehici dhammehi saṅgahitā nāma natthi, tasmā
"natthi keci dhammā kehici dhammehi saṅgahitā, evaṃ sante ekavidhena rūpasaṅgahoti-
ādi niratthakan"ti yesaṃ laddhi seyyathāpi rājagirikānañceva siddhatthikānañca,
te sandhāya aññenatthena saṅgahabhāvaṃ dassetuṃ pucchā sakavādissa, attano
The Pali Atthakatha in Roman Character Volume 55 Page 221.
http://84000.org/tipitaka/read/attha_page.php?book=55&page=221&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=4965&pagebreak=1
http://84000.org/tipitaka/atthapali/rm_line.php?B=55&A=4965&pagebreak=1#p221
