Laddhivasena patinna itarassa. Idani yenatthena sangaho labbhati, tam dassetum
nanu atthi keci dhammatiadi araddham. Tam sabbam hettha vuttanayatta uttanatthameva.
Ya panesa paravadina attano 1- laddhipatitthapanattham yatha damena vatiadika
upama ahata, sakavadina tam anabhinanditva appatikkositva "hanci damena
va"ti tassa laddhi bhinnati veditabba. Ayanhettha attho:- yadi te damadihi
balibaddadayo sangahita nama, atthi keci dhamma kehici dhammehi sangahitati.
Sangahitakathavannana nitthita.
----------
2. Sampayuttakathavannana
[473-474] Idani sampayuttakatha nama hoti. Tattha yasma tilamhi
telam viya na vedanadayo sannadisu anupavittha, tasma "natthi keci dhamma
kehici dhammehi sampayutta, evam sante nanasampayuttantiadi niratthakam hoti"ti
yesam laddhi seyyathapi rajagirikananceva siddhatthikananca, 2- te sandhaya
annenevatthena sampayuttatam dassetum puccha sakavadissa, attano laddhivasena
patinna itarassa. Sesamidhapi hettha vuttanayatta uttanatthameva. Yo paneso 3-
paravadina "yatha tilamhi telan"tiadiko upamapanho ahato, so yasma
vedanasannanam viya tilatelanam lakkhanato nanattavavatthanam natthi. Sabbesupi
hi tilaatthitacesu tiloti voharamattam, teneva tilam nibbattetva gahite
purimasanthanena tilo nama na pannayati, tasma anahatasadisova hotiti.
Sampayuttakathavannana nitthita.
--------------
@Footnote: 1 cha.Ma. ayam patho na dissati 2 cha.Ma. rajagirikasiddhatthikananneva 3 cha.Ma. panesa
The Pali Atthakatha in Roman Character Volume 55 Page 222.
http://84000.org/tipitaka/read/attha_page.php?book=55&page=222&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=4987&modeTY=2&pagebreak=1
http://84000.org/tipitaka/atthapali/rm_line.php?B=55&A=4987&modeTY=2&pagebreak=1#p222
