บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Pañca.A. (paramatthadī.) Page 227.
Puṭṭho pana itaro suttavirodhabhayena paṭikkhipati. Dānaṃ dentanti dānaṃ dadamānaṃ disvāti attho. Tattha yasmā attano anumoditattā ca tesaṃ tattha bhogā uppajjanti, tasmāssa iminā kāraṇena laddhiṃ patiṭṭhapentassāpi 1- appatiṭṭhitāva hoti. Na hi te ito dinnena 2- vatthunā 3- yāpentīti. 4- Sesesupi suttasādhanesu eseva nayoti. Itodinnakathāvaṇṇanā niṭṭhitā. ----------- 7. Paṭhavīkammavipākotikathāvaṇṇanā [492] Idāni paṭhavī kammavipākotikathā nāma hoti. Tattha yasmā "atthi issariyasaṃvattaniyaṃ kammaṃ, ādhipaccasaṃvattaniyaṃ kamman"ti ettha 5- issarānaṃ bhāvo issariyaṃ nāma, adhipatīnañca bhāvo ādhipaccaṃ nāma, 5- paṭhavissariyādhipaccasaṃvattanikañca kammaṃ atthīti vuttaṃ, tasmā yesaṃ "paṭhavī kammavipāko"ti laddhi seyyathāpi andhakānaṃ, te sandhāya paṭhavīti pucchā sakavādissa, paṭiññā itarassa. Sukhavedanīyātiādi kammavipākasabhāvadassanavasena vuttaṃ. "phasso hotī"tiādinā nayena niddiṭṭhesu vipākesu phasso sukhavedanīyādibhedo hoti. So ca saññādayo ca sukhavedanādīhi sampayuttā, vedanādayo saññādīhi, sabbepi sārammaṇā, atthi ca nesaṃ purecārikāvajjanādisaṅkhātaṃ āvajjanaṃ, kammapaccayabhūtā cetanā, yo tattha iṭṭhavipāko, tassa patthanā, paṇidhānavasena pavattā mūlataṇhā, kinte evarūpā paṭhavīti pucchati. Itaro paṭikkhipati. Paṭilomapucchādīni uttānatthāneva. [493] Kammavipāko paresaṃ sādhāraṇoti pañhe phassādayo sandhāya paṭikkhipati, kammasamuṭṭhānaṃ rūpañca paṭhavīādīnaṃyeva ca sādhāraṇabhāvaṃ sandhāya @Footnote: 1 Ma. laddhi patiṭaṭhapentiyāpi 2 cha.Ma. dinneneva 3 Ma. dinnāneva vatthūni @4 cha.Ma. yāpenti 5-5 Sī.,Ma. issarānaṃ issariyaṃ nāma, adhipatīnañca ādhipaccaṃ nāmaThe Pali Atthakatha in Roman Character Volume 55 Page 227. http://84000.org/tipitaka/read/attha_page.php?book=55&page=227&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=5102&pagebreak=1 http://84000.org/tipitaka/atthapali/rm_line.php?B=55&A=5102&pagebreak=1#p227
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]