บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 229.
Jaramaranam vipakoti laddhi seyyathapi andhakanam, te sandhaya puccha sakavadissa, patinna itarassa. Patilomapanhe anarammananti rupadhammanam tava anarammanameva, arupanam pana jaramaranam sampayogalakkhanabhava anarammanameva. [496] Akusalanam dhammanam jaramaranam akusalanam dhammanam vipakoti panhe jaramaranena nama anitthavipakena bhavitabbanti laddhiya patijanati. Teneva karanena kusalanam dhammanam jaramaranassa kusalavipakatam patikkhipati, parato cassa akusalavipakatanneva patijanati. Kusalananca akusalanancati pucchavasena ekato katam, ekakkhane panetam 1- natthi. Abyakatanam avipakanam jaramaranam vipakoti vattabbataya pariyayo natthi, tasma abyakatavasena puccha na kata. [497] Dubbannasamvattaniyanti ettha dubbanniyam nama aparisuddhavannata, appayukata nama ayuno ciram pavattitum asamatthata. Tattha akusalakammam kammasamutthanassa dubbannarupassa kammapaccayo hoti, asadisatta panassa tamvipako na hoti. Utusamutthanadino 2- pana tampatilabhavasena ayuno ca upacchedakavasena paccayo hoti. Evametam pariyayena tamsamvattanikam nama hoti, na vipakaphassadinam viya janakavasena, tasma vipakabhave asadhakam. Sesamettha hettha vuttasadisamevati. Jaramaranamvipakotikathavannana nitthita. ---------- 9. Ariyadhammavipakakathavannana [498] Idani ariyadhammavipakakatha nama hoti. Tattha yesam kilesappahana- mattameva samannaphalam, na cittacetasika dhammati laddhi seyyathapi @Footnote: 1 cha.Ma. pana tam 2 Si.,Ma. utusamutthanadibhedenaThe Pali Atthakatha in Roman Character Volume 55 Page 229. http://84000.org/tipitaka/read/attha_page.php?book=55&page=229&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=5147&modeTY=2&pagebreak=1 http://84000.org/tipitaka/atthapali/rm_line.php?B=55&A=5147&modeTY=2&pagebreak=1#p229
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]