Rūpaṃ nibbānañca, tassa ca kenaci sampayogo natthi. Evaṃ sabbapadesu.
Vippayuttānampana sampayogābhāvo veditabbo. Iti pucchāya moghattā sabbattha
vissajjanesu 1- natthi natthiiccevaṃ 2- vuttanti.
Vippayuttenasampayuttapadavaṇṇanā niṭṭhitā.
--------------
9. Navamanaya sampayuttenasampayuttapadavaṇṇanā
[319] Idāni sampayuttenasampayuttapadaṃ bhājetuṃ vedanākkhandhenātiādi
āraddhaṃ. Tattha yaṃ khandhādivasena sampayuttaṃ, puna tasseva khandhādīhi sampayogaṃ
pucchitvā vissajjanaṃ kataṃ. Taṃ rūpena vā rūpamissakehi vā sabbārūpakkhandha-
saṅgāhakehi vā padehi saddhiṃ na yujjati. Rūpena hi rūpamissakena vā aññesaṃ sampayogo
natthi, sabbārūpakkhandhasaṅgāhakehi sabbesaṃ sampayogārahānaṃ khandhādīnaṃ gahitattā
aññaṃyeva natthi, yantena saha sampayogaṃ gaccheyya, tasmā tathārūpāni padāni
idha na gahitāni. Yāni pana padāni rūpena asammissaṃ arūpekadesaṃ dīpenti,
tāni idha gahitāni. Tesaṃ idamuddānaṃ:-
"arūpakkhandhā cattāro manāyatanameva ca
viññāṇadhātuyo satta dve saccā cuddasindriyā.
Paccaye dvādasa padā tato upari soḷasa
tikesu aṭṭha gocchake tecattāḷīsameva ca.
Mahantaraduke satta padā piṭṭhidukesu cha
navamassa padassete niddese saṅgahaṃ gatā"ti.
@Footnote: 1 cha.Ma. sabbavissajjanesu 2 cha.Ma. icceva
The Pali Atthakatha in Roman Character Volume 55 Page 23.
http://84000.org/tipitaka/read/attha_page.php?book=55&page=23&pages=1&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=476&pagebreak=1
http://84000.org/tipitaka/atthapali/rm_line.php?B=55&A=476&pagebreak=1#p23
