อรรถกถาเล่มที่ ๕๕ หน้าที่ ๒๓๖.

๔. กามกถาวณฺณนา [๕๑๓-๕๑๔] อิทานิ กามกถา นาม โหติ. ตตฺถ เยสํ "ปญฺจิเม ภิกฺขเว กามคุณา"ติ วจนมตฺตํ นิสฺสาย รูปายตนาทีนิ ปญฺเจวายตนานิ กามาติ ลทฺธิ เสยฺยถาปิ ปุพฺพเสลิยานํ, เตสํ กิเลสกามสฺเสว นิปฺปริยาเยน กามภวํ ^๑- ทสฺเสตุ ํ ปญฺเจวาติ ปุจฺฉา สกวาทิสฺส, ปฏิญฺญา อิตรสฺส. เสสเมตฺถ อุตฺตานตฺถเมวาติ. กามกถาวณฺณนา นิฏฺฐิตา. --------- ๕. รูปธาตุกถาวณฺณนา [๕๑๕-๕๑๖] อิทานิ รูปธาตุกถา นาม โหติ. ตตฺถ "รูปิโนว ^๒- ธมฺมา รูปธาตุ นามา"ติ เยสํ ลทฺธิ เสยฺยถาปิ อนฺธกานํ, เต สนฺธาย รูปิโนติ ปุจฺฉา สกวาทิสฺส, ปฏิญฺญา อิตรสฺส. อถ นํ สกวาที ยสฺมา รูปธาตุ นาม รูปภโว, น รูปมตฺตเมว, ตสฺมา เตนตฺเถน โจเทตุ ํ รูปธาตูติอาทิมาห. ตํ สพฺพํ กามคุณกถายํ วุตฺตนเยเนว เวทิตพฺพํ. สาว กามธาตูติ ปุฏฺโฐ ภูมิปริจฺเฉทวิโรธํ สมฺปสฺสมาโน ปฏิกฺขิปติ. ปุน ทฬฺหํ กตฺวา ปุฏฺโฐ อตฺตโน ลทฺธิวเสน ปฏิชานาติ. เอวํ สนฺเต ปน ทฺวีหิ ภเวหิ สมนฺนาคตตา อาปชฺชติ, เตน ตํ สกวาที กามภเวน จาติอาทิมาห. อิตโร เอกสฺส ทฺวีหิ ภเวหิ ^๓- สมนฺนาคตาภาวโต ปฏิกฺขิปตีติ. รูปธาตุกถาวณฺณนา นิฏฺฐิตา. -------- @เชิงอรรถ: ^๑ ฉ.ม. กามภาวํ ^๒ ฉ.ม. ว-สทฺโท น ทิสฺสติ ^๓ ฉ.ม. อยํ ปาโฐ น ทิสฺสติ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๒๓๖. http://84000.org/tipitaka/read/attha_page.php?book=55&page=236&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=5312&modeTY=2&pagebreak=1 http://84000.org/tipitaka/atthapali/th_line.php?B=55&A=5312&modeTY=2&pagebreak=1#p236