บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 55 : PALI ROMAN Panca.A. (paramatthadi.) Page 253.
Silava lokuttaramaggam bhaveti, tasma "purimena ca lokiyena maggakkhane lokuttarena cati dvihi silehi samannagato nama hoti"ti yesam laddhi seyyathapi mahasamghikanamyeva, te sandhaya maggasamangiti puccha sakavadissa, patinna itarassa. Atha nam "yadi so ekakkhane lokiyalokuttarehi dvihi silehi samannagato, dvihi phassadihipi tena samannagatena bhavitabban"ti codetum dvihi phassehitiadimaha. Itaro tatharupam nayam apassanto patikkhipati. Lokiyena ca lokuttarena cati panhe pubbe samadinnanca maggakkhane uppannasammavacadini ca sandhaya patijanati. Lokiye sile niruddheti puccha paravadissa, khanabhanganirodham sandhaya patinna sakavadissa. Itaro puna 1- tam vitikkamam viya sallakkhento dussilotiadimaha. Laddhipatitthapanam panassa pubbe abhinnasilatamyeva dipeti, na dvihi samannagatatam. Tasma appatitthitava laddhiti. Dvihisilehisamannagatotikathavannana nitthita. ----------- 7. Silamacetasikantikathavannana [590-594] Idani silam acetasikantikatha nama hoti. Tattha yasma sile uppajjitva niruddhepi samadanahetuko silopacayo nama atthi, yena so silavayeva nama hoti, tasma "silam acetasikan"ti yesam laddhi seyyathapi mahasamghikanam, te sandhaya puccha sakavadissa, patinna itarassa. Sesamettha "danam acetasikan"tikathayam vuttanayeneva veditabbam. Laddhipatitthapanampi ayoniso gahitatta appatitthapanamevati. Silamacetasikantikathavannana nitthita. -------------- @Footnote: 1 cha.Ma. panaThe Pali Atthakatha in Roman Character Volume 55 Page 253. http://84000.org/tipitaka/read/attha_page.php?book=55&page=253&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=5695&modeTY=2&pagebreak=1 http://84000.org/tipitaka/atthapali/rm_line.php?B=55&A=5695&modeTY=2&pagebreak=1#p253
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]