ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
 Page
 Display
page(s)
chage to ROMAN letter
ATTHAKATHA Book 55 : PALI ROMAN Panca.A. (paramatthadi.)

Page 271.

Patijanati. So tadassadetiti suttam jhanalabhino jhana vutthaya jhanassadam
sadheti, na antosamapattiyamyeva jhananikantiya jhanarammanatam, tasma asadhakanti.
                  Samapannoassadetikathavannana nitthita.
                         --------------
                       8. Asataragakathavannana
     [674] Idani asataragakatha nama hoti. Tattha "yankinci vedanam
vedeti sukham va dukkham va adukkhamasukham va, so tam vedanam abhinandati abhivadati"ti 1-
sutte ditthabhinandanavasena vuttam "abhinandati"ti vacanam nissaya "dukkhavedanayapi
ragassadavasena abhinandanapi 2- hoti, tasma atthi asatarago"ti yesam laddhi
seyyathapi uttarapathakanam, te sandhaya atthi asataragoti puccha sakavadissa.
Tattha asataragoti asate dukkhavedayite "aho vata me etadeva bhaveyya"ti
rajjana. Amantati laddhivasena patinna paravadissa. Sesamettha uttanatthameva.
     [675] So tam vedanam abhinandatiti sutte pana vinivattetva
dukkhavedanameva arabbha raguppatti nama natthi, samuhaggahanena pana vedayitalakkhanam
dhammam dukkhavedanameva va attato samanupassanto ditthimannanasankhataya
ditthabhinandanaya vedanam abhinandati, dukkhaya vedanaya viparinamam abhinandati,
dukkhaya vedanaya abhibhuto tassa patipakkham kamasukham patthayantopi dukkhavedanam
abhinandati nama. Evam dukkhavedanaya abhinandana hotiti adhippayo. Tasma
asadhakametam asataragassati.
                     Asataragakathavannana nitthita.
                          ------------
@Footnote: 1 Ma.mu. 12/409/365   2 cha.Ma. abhinandana



The Pali Atthakatha in Roman Character Volume 55 Page 271. http://84000.org/tipitaka/read/attha_page.php?book=55&page=271&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6104&modeTY=2&pagebreak=1 http://84000.org/tipitaka/atthapali/rm_line.php?B=55&A=6104&modeTY=2&pagebreak=1#p271


บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]