romanATTHA book 55 Page 273.

14. Cuddasamavagga 1. Kusalakusalapatisandahanakathavannana [686-690] Idani kusalakusalapatisandahanakatha nama hoti. Tattha kusalam va akusalassa akusalam va kusalassa anantara uppajjanakam nama natthiti tesam annamannam patisandahanam ^1- na yujjati. Ye pana yasma ekavatthusminneva rajjati virajjati ca, tasma tam annamannam patisandahatiti laddhim gahetva thita seyyathapi mahasamghikanam, ^2- te sandhaya puccha sakavadissa, patinna itarassa. Avajjana panidhiti ubhayam avajjanasseva namam. Tanhi bhavangam avajjetiti avajjana, bhavangarammanato annasmim arammane cittam panidahati thapetiti panidhi. Kusalam anavajjantassati yam tam akusalanantaram patisandahantam kusalam uppajjati, tam anavajjantassa uppajjatiti pucchati. Itaro pana vina avajjanena kusalassa uppattim apassanto patikkhipati. Kusalam ayoniso manasikarototi idam yadi akusalanantaram kusalam uppajjeyya, akusalasseva avajjanena ayoniso manasikaroto uppajjeyyati codanattham vuttam. Sesam yathapalimeva niyyati. Nanu yasmimyeva vatthusminti vacanam ekarammane saragaviraguppattim dipeti, na kusalakusalanam anantaratam, tasma asadhakanti. Kusalakusalapatisandahanakathavannana nitthita. ------------ 2. Salayatanuppattikathavannana [691-692] Idani salayatanuppattikatha nama hoti. Tattha upapattesiyena patisandhicittena saheva opapatikanam salayatanam uppajjati, gabbhaseyyakanam ajjhattikayatanesu manayatanakayayatananeva patisandhikkhane uppajjanti, sesani @Footnote: ¹ cha.Ma. patisandhanam ² cha.Ma. mahasamghika

The Pali Atthakatha in Roman Character Volume 55 Page 273. http://84000.org/tipitaka/read/attha_page.php?book=55&page=273&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=55&A=6148&modeTY=2&pagebreak=1 http://84000.org/tipitaka/atthapali/rm_line.php?B=55&A=6148&modeTY=2&pagebreak=1#p273