Ettha apunnabhisankharova gahito, tasma sankharapaccayapi avijjati ettha
sahajataannamannaatthiavigatasampayuttavasena paccayata veditabba. Upadanapaccayapi
tanhati ettha thapetva kamupadanam sesani tini upadanani avijjaya
sankhara viya tanhaya paccaya hontiti veditabbani. Sesam yathapalimeva
niyyati. Jaramaranapaccayati puccha paravadissa, namarupam vinnanapaccayati
sakavadissati.
Annamannapaccayakathavannana nitthita.
-----------
3. Addhakathavannana
[720-721] Idani addhakatha nama hoti. Tattha "tinimani bhikkhave
kathavatthuni"ti 1- suttam nissaya kalasankhato addha nama parinipphanno
atthiti yesam laddhi, tesam "addha nama koci parinipphanno natthi annatra
kalapannattimatta, rupadayo pana khandha parinipphanna"ti vibhagam dassetum addha
parinipphannoti puccha sakavadissa, patinna itarassa. Atha nam "sace so
parinipphanno, rupadisu anena annatarena bhavitabban"ti codetum rupantiadimaha.
Itaro patikkhipati. Sesam yathapalimeva niyyatiti.
Addhakathavannana nitthita.
--------
4. Khanalayamuhuttakathavannana
[722-723] Idani khanalayamuhuttakatha nama hoti. Khanalayamuhuttakathasupi
eseva nayo. Sabbepi hete khanadayo addhapariyayaevati.
Khanalayamuhuttakathavannana nitthita.
--------
@Footnote: 1 an.tika. 20/68/192
The Pali Atthakatha in Roman Character Volume 55 Page 279.
http://84000.org/tipitaka/read/attha_page.php?book=55&page=279&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=6284&modeTY=2&pagebreak=1
http://84000.org/tipitaka/atthapali/rm_line.php?B=55&A=6284&modeTY=2&pagebreak=1#p279
